Буйны перавозчык расказаў, што з рэйсамі і цэнамі пасля закрыцця двух памежных пераходаў на мяжы з Літвой
З 1 сакавіка Літва закрыла яшчэ два пункты пропуску на мяжы з Беларуссю. Прадстаўнікі сэрвісу «Атлас» патлумачылі Office Life, як прыпыненне працы «Прывалкі» і «Катлоўкі» адаб'ецца на пасажырах, якія ездзяць у суседнія краіны ЕС
У кампаніі ўдакладнілі, што ўнеслі змены ў маршруты ў Літву і Польшчу. Так, рэйсы з Гродна ў Вільню і Каўнас, а таксама аўтобусы Гродна — Беласток — Варшава і Мінск — Ліда — Гродна — Беласток — Варшава — аэрапорт Шапэна цяпер едуць праз пункт пропуску «Беняконі».
Частку маршрутаў з Гродна і Мінска ў Беласток і Варшаву накіруюць праз пункт пропуску «Брэст» («Варшаўскі мост»). Пры гэтым на некаторых міжнародных маршрутах з Мінска выключылі заезды ў Гродна
Што тычыцца кошту паездак, у кампаніі пацвердзілі, што квіткі падаражэюць. Асноўная прычына: для многіх маршрутаў павялічыцца прабег.
Напрыклад, аўтобус з Гродна, які ідзе ў Беласток або Варшаву, будзе рабіць круг у некалькі сотняў кіламетраў, бо замест пункта пропуску «Прывалка» мяжу цяпер трэба перасякаць у «Беняконях». У выніку істотна растуць выдаткі на паліва.
Акрамя таго, дадалі прадстаўнікі «Атласа», закрыццё пунктаў пропуску можа адбіцца на колькасці рэйсаў. Калі іх стане менш, попыт на тыя маршруты, што засталіся, узрасце. Рэакцыя на павышаны попыт ад перавозчыкаў — больш высокія цэны на квіткі.
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары