Завод Tesla пад Берлінам спыніў сваю працу з-за пажару — экаактывістаў падазраюць у падпале
Каля 4:50 раніцы раздаўся гучны выбух і загарэлася падстанцыя Штайнфурт каля завода Tesla.
Затым агонь перакінуўся на апору электраперадачы, што выклікала буйное адключэнне электраэнергіі. Без электрычнасці засталіся завод, горад Эркнер і некаторыя раёны Берліна, піша Bild.
Экстранныя службы былі змушаныя на час спыніць працу, калі побач з падпаленым трансфарматарам быў выяўлены намёт экаактывістаў з надпісам «Тут закапаныя выбухованебяспечныя прадметы!» Паліцыя і пажарная служба змогуць вярнуцца да працы пасля таго, як спецыялісты па ўзрыўчатцы абшукаюць месца пажару і абвесцяць яго бяспечным.
З чацвярга ад 80 да 100 актывістаў занялі частку лесу ў Брандэнбургу каля завода Tesla. Кампанія плануе высечку дрэў у выпадку пашырэння сваёй тэрыторыі, актывісты выступаюць супраць гэтага.
Каментары