Візавыя цэнтры VFS Global у Беларусі зноў прымаюць дакументы на атрыманне віз у Нарвегію. Як вынікае з інфармацыі на сайце нарвежскага МЗС, гаворка ідзе аб звычайным «шэнгене», а таксама аб дазволах на знаходжанне для вучобы або працы.
Нарвегія афіцыйна не абвяшчала пра аднаўленне выдачы шэнгенскіх віз беларусам. Але інфармацыя аб прыёме дакументаў у візавых цэнтрах VFS Global на сайце дыпламатычнага ведамства краіны з'явілася ўжо даўно.
У снежні-лютым, як вынікае з навін нарвежскага МЗС, запіс на падачу дакументаў у Беларусі быў адкрыты, хоць паведамлялася, што колькасць месцаў абмежаваная. На сайце ведамства пазначана, што візу можна атрымаць нават у тэрміновым парадку ў выпадку неабходнасці — хваробы або смерці сваякоў альбо па іншых прычынах.
Ёсць толькі адзін нюанс: заявы беларусаў з 2023 года апрацоўваюцца Пасольствам Нарвегіі ў Лондане. Таму падаваць дакументы ў МЗС Нарвегіі раяць не менш чым за месяц да даты меркаванага ўезду, звяртае ўвагу Office Life.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары