Грамадства3333

Канфлікт паміж двума беларускімі апазіцыянерамі, Сергіевічам і Камісаравым, можа дайсці ў Польшчы да крыміналкі

Інфармацыя пра канфлікт з'явілася на рэсурсах, звязаных з блогерам Віталём «Вірусам» Кандраценкам. Мы паспрабавалі зразумець, у чым палягае канфлікт.

Зміцер Сергіевіч і Аляксандр Камісараў (злева направа). Фота Змітра — з ягонага тэлеграма, фота Аляксандра — з асабістага архіву

Блогер «Вірус» расказаў пра гэтую гісторыю ў канцы студзеня 2024 года. Па ягоных словах, «байполавец» Аляксандр Камісараў збіў адміністратара канала «Стоп Лука» Змітра Сергіевіча.

Скрыншоты з канала Віталя Кандраценкі

«Стоп Лука» — гэта сетка некалі буйных супольнасцяў, якія існавалі пад брэндам «Надакучыў нам гэты Лукашэнка», а пасля змянілі назву.

Сяргей Бяспалаў распавёў «Нашай Ніве», што Зміцер Сергіевіч выйшаў з першапачатковага праекта і вядзе ўласнае адгалінаванне. Праект, якім займаецца Сергіевіч, мае 100 падпісантаў у тэлеграме. Таксама за ім засталася група ў Аднакласніках і Фэйсбуку (у першапачатковай версіі мы не заўважылі астатнія сацсеткі той часткі праекта STOP LUKA, якім займаецца Зміцер — заўв. НН). Аляксандра Камісарава ён ніколі ў жыцці не бачыў, таму пра сітуацыю нічога расказаць не можа.

Пасля гісторыя атрымала працяг: супраць Аляксандра Камісарава нібыта завялі крымінальную справу. Мужчына на волі, таму мы запыталіся, што адбылося і як ён бачыць сітуацыю:

«Я не супрацоўнік «Байпола» і ніякага дачынення да міліцыі ніколі не меў.

Гэта выключна бытавы канфлікт, асабісты. Я разышоўся з жонкай, і яна цяпер разам са Змітром. І ўсё было б проста, каб у нас не было агульнага дзіцяці і нацягнутых адносінаў. Таму аніякага палітычнага складніка я тут не бачу, хоць шмат у чым нашы пазіцыі сапраўды разыходзяцца.

Наколькі я разумею польскія законы, крымінальнай справы супраць мяне цяпер няма. Зміцер сапраўды падаў заяву. Адкрытая вытворчасць, бо такі механізм працы паліцыі ў Польшчы — калі ёсць заява, то адкрываецца справа. Але я не праходжу ў статусе абвінавачанага, следчых дзеянняў не адбываецца, сведак не выклікалі. Здаецца, гэта нічым не скончыцца, бо пашкоджанняў Зміцер не атрымаў.

У Зміцера можа быць іншае бачанне гісторыі, вядома. Таму паспрабуйце пагутарыць яшчэ і з ім», — прапанаваў Аляксандр.

На жаль, з другім удзельнікам гэтай гісторыі, Змітром Сергіевічам, пагутарыць не атрымалася.

Ён выставіў журналісту «Нашай Нівы» ўмову — прыехаць у Беласток, дзе Сергіевіч запіша гутарку на відэа з тварам журналіста. А калі яму не спадабаецца публікацыя, то выкладзе гутарку ў публічны доступ. Вядома, што на такія ўмовы мы не пагадзіліся — факт працы на «экстрэмісцкае фарміраванне» пагражае журналісту «НН» завядзеннем крымінальнай справы і пераследам сваякоў у Беларусі.

Скрыншоты перапіскі журналіста «Нашай Нівы» і Змітра адразу пасля звароту былі апублікаваныя ў канале Кандраценкі — OSINT «Фенікс», а з яго перакачавалі ў беларускія праўладныя каналы.

«Наша Нiва» — бастыён беларушчыны

ПАДТРЫМАЦЬ

Каментары33

  • Расейскія маты рэжуць вока
    09.03.2024
    Віталь Кандраценка так і не вывучыў нашу мову. Піша расейскім матам, немагчыма чытаць.
    Маці яго, здаецца, расейка? Прозвішча Бычкова. Ажаніліся бацькі Кандраценкі-Бычкова у расейскім Серпухаве. Бацька яго - высокі чын у лукашэнкаўскім Міністэрстве абароны, на пенсіі працаваў на прадпрыемствах вайскова-прамысловага комплексу.

    Мо адсюль яго няздольнасць вывучыць нашу мову?
    Немагчыма чытаць матныя скрыншоты Віруса-Кандраценкі. Нават калі там і ёсць што карыснае.
  • Кондрат
    09.03.2024
    [Рэд. выдалена]
  • Наконт бяспекі
    09.03.2024
    У вас жа ёсць журналісты, якія ўжо засвяціліся ў кадры, Наста Роўда напрыклад. Ці хлопец, які на ютубе навіны вядзе.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць