Пракуратура Першамайскага раёна Мінска дамаглася ліквідацыі ЗАТ «БелаПАН». У паведамленні пракуратуры гаворыцца, што пазоў аб ліквідацыі быў скіраваны ў Эканамічны суд Мінска, які ўхваліў патрабаванні і прыняў рашэнне аб ліквідацыі. Яно ўступіла ў законную сілу, звярнуў увагу Reform.by.
«Устаноўлена, што група грамадзян, якія з'яўляліся супрацоўнікамі гэтай арганізацыі, у 2021 годзе рашэннем Камітэта дзяржаўнай бяспекі Рэспублікі Беларусь прызнана экстрэмісцкім фармаваннем, дзейнасць названай групы была забароненая. У мэтах выканання названага рашэння ЗАТ «Б.» уключана ў пералік арганізацый, фармаванняў, індывідуальных прадпрымальнікаў, якія маюць дачыненне да экстрэмісцкай дзейнасці», — адзначылі ў пракуратуры.
Інфармацыйнае агенцтва ЗАТ «БелаПАН» было ўключана ў названы пералік 4 лістапада 2021 года.
У кастрычніку 2022 года быў вынесены прысуд журналістам і менеджарам БелаПАНа. Андрэй Аляксандраў атрымаў 14 гадоў калоніі, яго жонка Ірына Злобіна — 9 гадоў, Дзмітрый Наважылаў — 6 гадоў, Ірына Леўшына — 4 гады калоніі. Яны прызнаныя палітвязнямі.
Сярод іншага, Аляксандраў, Леўшына і Наважылаў абвінавачваліся ў стварэнні экстрэмісцкага фармавання і кіраўніцтве ім, а Аляксандраў і Наважылаў — ва ўхіленні ад выплаты падаходнага падатку за люты 2015 года — красавік 2021 года.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары