У Гродне ліквідуюць аб’яднанне былых малалетніх вязняў фашысцкіх канцлагераў
У Гродзенскім абласным судзе пачалі працэс ліквідацыі дзвюх грамадскіх арганізацый. Гэта абласны спартыўна-патрыятычны клуб «Гонар Радзімы» і Гродзенскае абласное грамадскае аб’яднанне былых малалетніх вязняў фашысцкіх канцлагераў, паведамляе hrodna.life.
Пасяджэнні па абодвух працэсах пачаліся 17 мая. «Гонар Радзімы» ліквідуе суддзя Жанна Краўчанка, аб’яднанне былых малалетніх вязняў фашысцкіх канцлагераў — Юрый Карэцкі. Абедзве ліквідацыі пачаліся па іску ўпраўлення юстыцыі Гродзенскага аблвыканкама.
«Гонар Радзімы» зарэгістравалі 20 чэрвеня 2017 года. Больш пра гэтую арганізацыю нічога не вядома.
Гродзенскае абласное грамадскае аб’яднанне былых малалетніх вязняў фашысцкіх канцлагераў заснаванае ў 1995 годзе. Яго мэта — узмацненне грамадскай увагі да былых вязняў фашызму. Больш за 30 гадоў узначальвае арганізацыю Захар Тарасевіч. Яго з сям’ёй падчас вайны павезлі ў канцлагер у Віцебску, а адтуль у верасні 1943 года даставілі ў канцлагер «Аўшвіц» (каля горада Асвенцім у Польшчы). «Там дарослым і дзецям на левай руцэ выкалалі лагерныя нумары. Мой нумар 149 801. І сёння, праз дзесяцігоддзі, ён выразна бачны, не дае забыць перажытае», — расказваў Тарасевіч «СБ — Беларусь Сегодня». З яго сям'і выжылі толькі ён і яго бацька.
Не першая ліквідацыя ў 2022 годзе
У 2022 годзе ў Гродне ўжо ліквідавалі Гродзенскае грамадскае аб’яднанне «Краязнаўчае таварыства — Коматава». Пасяджэнні прайшлі па ліквідацыі яшчэ дзвюх арганізацый: Гродзенскі абласны спартыўны клуб па вольнай барацьбе «Мядзведзь» і сацыяльна-інфармацыйнае грамадскае аб’яднанне «Устойлівае развіццё вёскі». Пакуль у Адзіным дзяржаўным рэестры яны пазначаныя як «дзеючыя». З лета 2021 года больш за 10 арганізацый у Гродне ліквідавалі па рашэнні суда, сем — па рашэнні выканкамаў, некаторыя пачалі працэс ліквідацыі самастойна.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары