Карпарацыя The Coca-Cola Company ў пачатку гэтага года працягнула ліцэнзійную дамову з кампаніяй «Кока-Кола Беўрыджыз Беларусь». Інфармацыя пра гэта змяшчаецца ў бюлетэні Нацыянальнага цэнтра інтэлектуальнай уласнасці Беларусі.
У студзені гэтага года The Coca-Cola Company пралангавала дзейную з 2014 года ліцэнзійную дамову з даччынай структурай «Кока-Кола Беўрыджыз Беларусь», якая працуе на беларускім рынку. Тэрмін дзеяння дакумента працягнулі (з некаторымі зменамі пераліку таварных знакаў) да 31 снежня 2033 года.
Таксама да 31 снежня 2033 года аналагічныя пагадненні з «Кока-Кола Беўрыджыз Беларусь» пралангавала даччыная структура The Coca-Cola Company — Schweppes Holdings.
Да вясны 2022 года Coca-Cola HBC працавала і на расійскім рынку. Але з пачаткам уварвання Расіі ва Украіну кампанія спачатку заявіла аб прыпыненні працы, а потым і аб спыненні вытворчасці ды продажаў сваіх брэндаў (за выключэннем сокаў) у Расіі.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й8
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары