У Арменіі з пачатку года затрымалі на запыт пракуратуры Беларусі чатырох беларусаў
У Арменіі з пачатку года затрымалі чатырох грамадзян Беларусі, якіх Беларусь абвясціла ў міждзяржаўны вышук у СНД. Усе яны знаходзяцца ў ізалятары горада Ванадзор, паведаміў «Радыё Свабода» юрыст Хельсінкскай асацыяцыі Арменіі Араік Папік’ян.
«З пачатку года чатыры затрыманні. Гэта, мне падаецца, вельмі шмат, улічваючы, што за ўвесь 2023 год быў толькі адзін выпадак, і той быў не паводле артыкула аб ухіленні ад службы ў войску», — сказаў Папік'ян.
Араік Папік’ян прадстаўляе інтарэсы грамадзяніна Беларусі Яраслава Новікава, якога затрымалі на мяжы Арменіі сёлета 2 лютага на запыт Беларусі паводле абвінавачання ва ўхіленні ад службы ў войску.
«Я ведаю дэталі не пра ўсе выпадкі. Двух хлопцаў затрымалі 2-3 дні таму. Яшчэ аднаго затрымалі і арыштавалі адразу пасля Яраслава. Усе яны знаходзяцца ў тым жа ізалятары, што і Яраслаў», — дадаў юрыст.
Ён ведае толькі, што не ўсіх чатырох абвінавачваюць ва ўхіленні ад службы ў войску.
Ягоны падабаронны Яраслаў Новікаў з 5 лютага знаходзіцца ў ізалятары горада Ванадзор.
«Сёння я сустрэўся з Яраславам, і мы планавалі нашыя далейшыя дзеянні — па апеляцыі і гутарцы з супрацоўнікамі міграцыйнай службы. Сваю падтрымку Яраславу выказала і беларуская дыяспара, якая знаходзіцца ў Арменіі. Яны таксама напішуць ліст падтрымкі ў міграцыйную службу» — паведаміў Араік Папік’ян.
Цяпер адвакат рыхтуе апеляцыю на другое рашэнне суда аб працягванні тэрміну арышту Яраслава Новікава, ухваленае 7 сакавіка. Першае аналагічнае рашэнне ад 4 лютага Апеляцыйны суд Арменіі прызнаў законным.
Апеляцыйны суд Арменіі прызнаў законным арышт беларуса, затрыманага на запыт Беларусі за ўхіленне ад службы ў арміі
Беларус, арыштаваны ў Арменіі на запыт лукашэнкаўскіх сілавікоў, звярнуўся па палітычны прытулак
Суд у Арменіі арыштаваў на 40 дзён беларуса для яго далейшай перадачы на радзіму
У Арменіі затрымалі ўхіліста ад войска з Беларусі. Яго могуць выслаць на радзіму
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары