У матчы чэмпіянату Турцыі фанаты зладзілі грандыёзную бойку з футбалістамі суперніка проста на полі
Заўзятарам не спадабаліся эмоцыі гульцоў.
У чэмпіянаце Турцыі па футболе ўпартая гонка за першае месца. «Фенербахчэ» адстае ад «Галатасарая» на два балы. Праўда, 30-ы тур Суперлігі запомніўся іншым — разборкамі фанатаў і футбалістаў проста на полі, піша Championat.com.
Матч у Трабзоне атрымаўся драматычным: «Фенербахчэ» павёў у два мячы дзякуючы дублю Фрэда, але ў другім тайме «Трабзанспор» адыграўся. І ўсё ж форвард «Фенербахчэ», бельгіец Мішы Батшуаі (былы гулец «Чэлсі») забіў пераможны гол на 87-й хвіліне.
Адразу пасля гульні футбалісты «Фенербахчэ» сабраліся ў цэнтральным крузе, каб скачучы адсвяткаваць важныя тры балы. Прычым рабілі гэта ў тым ліку, дэманстратыўна павярнуўшыся да трыбуны. У гэты момант на поле выбег адзін з мясцовых фанатаў у масцы, які агрэсіўна палез на гульцоў.
Футбалісты «Фенербахчэ» пайшлі на яго ў адказ. Асабліва пастараўся абаронца Брайт Асаі-Самуэль, які, мабыць, не так моцна стаміўся за 90 хвілін гульні. Ён паваліў і хулігана, і супрацоўніка, які спрабаваў іх разняць.
Да гэтага моманту на поле ўжо рванулі фанаты з усіх чатырох трыбун. У гэтай сітуацыі футбалісты «Фенербахчэ» экстранна пабеглі ў распранальню, пакуль сцюарды на полі спрабавалі (не асабліва ўдала) стрымаць мясцовых заўзятараў.
У выніку ля тунэля, які вядзе ў распранальню, атрымалася цісканіна. Сотні фанатаў спрабавалі дабрацца да футбалістаў.
Мяркуючы па ўсім, ніхто з футбалістаў «Фенербахчэ» не атрымаў сур'ёзных пашкоджанняў. Хоць у распранальні футбалісты пазіравалі з акрываўленымі футболкамі.
Цяпер чытаюць
«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла16
Каментары