Пацярпелыя пры тэракце ў «Крокусе» звярнуліся ў СК з заявай супраць уладальнікаў канцэртнай залы
У заяве на імя кіраўніка СК Аляксандра Бастрыкіна сказана, што ўладальнікі «Крокуса» маглі не ў належнай меры займацца супрацьпажарнай абаронай.
Так, у дакуменце гаворыцца, што заслона сцэны ў канцэртнай зале загарэлася «на працягу некалькіх секунд», што, па меркаванні абароны, можа сведчыць пра парушэнне супрацьпажарных нормаў: заслона павінна быць выраблена з вогнеўстойлівага палатна з пакрыццём з адмысловага складу, піша «Медуза».
«На працягу некалькіх секунд пасля пачатку пажару загарэліся і падтрымлівалі гарэнне крэслы глядзельнай залы, у той час як яны павінны быць выраблены з вогнеўстойлівых матэрыялаў», — паказана ў заяве.
У дакуменце таксама сцвярджаецца, што «Проціпажарная вадзяная заслона» і сістэма дымавыдалення «Крокуса», якая прадугледжвае адкрыццё вентыляцыйных люкаў і вокнаў пасля здарэння, «была ў непрацоўным стане». Адвакат Ігар Труноў дадаў, што, паводле паказанняў сведак, большасць эвакуацыйных выхадаў у момант тэракту і эвакуацыі былі закрытыя.
Падчас тэракту ў «Крокус Сіці Холе» тэрарысты ўчынілі пажар, разліўшы бензін, прынесены ў бутэльках.
Кіраўнік СК Аляксандр Бастрыкін казаў, што магчымае парушэнне патрабаванняў пажарнай бяспекі стане адным з вектараў расследавання. Па апошніх даных, пры тэракце ў «Крокусе» загінулі 144 чалавекі і больш за 550 чалавек пацярпелі.
У маскоўскім аддзеле паліцыі памёр ураджэнец Чачні, якога затрымалі пасля тэракта ў «Крокусе»
«Перад вачыма стаіць гэты мой забег і словы з песні пра мышалоўку». Беларуска, якая ўратавалася ў «Крокусе», расказала, як ёй гэта ўдалося
Reuters: Іран папярэджваў расійскія спецслужбы пра падрыхтоўку нападу на «Крокус»
Расійскі генерал лічыць, што тэрарыстамі ў «Крокусе» кіравалі заходнія спецслужбы праз ушытыя чыпы
Максім Знак наведаў спектакль «Зэкамерон», пастаўлены па ягонай кнізе, напісанай у СІЗА4
Каментары