3 красавіка Святлана Ціханоўская ў рэзідэнцыі амбасадара Нарвегіі ў Вільні сустрэлася з кронпрынцам Нарвегіі Хоканам. Разам з ёй у сустрэчы з беларускага боку бралі ўдзел старшы дарадца Ціханоўскай Франак Вячорка, былая палітзняволеная Ася Булыбенка, журналістка і аналітык Ганна Любакова.
Падчас сустрэчы бакі абмеркавалі сітуацыю з палітвязнямі, Ціханоўская расказала нарвежскаму прынцу пра ўмовы ў турмах і пра тое, што шмат з якімі палітвязнямі, у тым ліку і з яе мужам Сяргеем Ціханоўскім, працяглы час няма аніякай сувязі. Ася Булыбенка дадаткова ілюстравала сітуацыю расказам пра асабісты досвед зняволення.
Ганна Любакова расказала пра рэпрэсіі супраць журналістаў і пра важнасць падтрымкі незалежных беларускіх медыя, якія супрацьстаяь расійскай прапагандзе ў Беларусі.
Франак Вячорка сфакусаваўся на тым, як у цяперашніх умовах працуюць дэмакратычныя сілы і грамадзянская супольнасць.
Кронпрынцу Хокану 50 гадоў, ён з цягам часу мае ўспадкаваць нарвежскі трон пасля свайго бацькі, цяперашняга караля Харальда V. Каралю Харальду ўжо 87 гадоў, а на троне ён знаходзіцца з 1991 года.
Чытайце таксама:
Ціханоўская ўзнагародзіла прэзідэнта Чэхіі Крыжам добрасуседства
Ціханоўская: Мы кажам «Дзень Волі», а разумеем, што ўся краіна апынулася ў закладніках
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары