Дапамога з прынятага Кангрэсам ЗША ваеннага пакета пачала паступаць ва Украіну, паведаміў прэзідэнт Зяленскі на сумесным брыфінгу з генеральным сакратаром НАТА Енсам Столтэнбергам, які прыехаў сёння ў Кіеў.
«Нешта ўжо пачало паступаць, у дэталях не буду казаць, што канкрэтна. На жаль, пакуль не ўсё для таго, каб напоўніць нашу армію і ўкамплектаваць адпаведную колькасць брыгад», — цытуе Зяленскага Бі-бі-сі.
Сітуацыя на полі бою напрамую залежыць ад хуткасці паставак боепрыпасаў ва Украіну, адзначыў Зяленскі.
«Што да дакументаў па гарантыях бяспекі, яны нам сапраўды вельмі моцна дапамаглі. Асабліва дапамаглі ў той час, калі мы чакалі падтрымкі ад Злучаных Штатаў Амерыкі. Я думаю, што вы разумееце кошт супрацьпаветранай абароны. На працягу апошніх шасці месяцаў сістэмы або часам і дэталі ад адпаведных сістэм паступалі дзякуючы фінансаванню, якое было прадугледжана дзевяццю пагадненнямі аб гарантыях бяспекі», — дадаў Зяленскі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары