Здарэнні

«Правялі дзве аперацыі». Што з 11-гадовай дзяўчынкай, якая выпала з атракцыёна ў Лідзе

Сталі вядомыя падрабязнасці стану 11-гадовай дзяўчынкі з Ліды, якая выпала з атракцыёна. Па словах дактароў, дзіця ўсё яшчэ знаходзіцца ў рэанімацыі, але стан удалося стабілізаваць, і хутка дзяўчынку перавядуць у звычайнае аддзяленне, піша Onliner.by.

Атракцыён у Лідзе. Фота: СК

На працягу першых сутак пасля інцыдэнту, калі дактарам Лідскай бальніцы ўдалося стабілізаваць стан дзіцяці, за ёй быў адпраўлены рэанімабіль з педыятрычнай рэанімацыйна-кансультатыўнай брыгадай. На ім медыкі даставілі дзяўчынку ў Гродна, дзе ўжо дактары абласной клінічнай бальніцы правялі некалькі аперацый і працягнулі лячэнне.

Стан юнай пацыенткі пракаментаваў галоўны доктар Гродзенскай абласной дзіцячай клінічнай бальніцы Аляксандр Козіч:

— Мы дадаткова выканалі ўсе неабходныя высокатэхналагічныя абследаванні і кансультацыі спецыялістаў. Па сведчаннях пацыентцы правялі дзве траўматалагічныя аперацыі. Цяпер яна знаходзіцца ў рэанімацыі, але найбліжэйшым часам будзе пераведзеная ў траўматалагічнае аддзяленне. Стан дзіцяці стабільны, ацэньваецца як сярэдняй ступені цяжкасці. Яна даступная да кантакту ў поўным аб'ёме.

***

У мінулую нядзелю 11-гадовая лідчанка выпала з атракцыёна Hammer. Інцыдэнт адбыўся адразу пасля запуску экстрэмальнай устаноўкі, а сам атракцыён належаў перасоўнаму лунапарку, які прыехаў у Ліду некалькі тыдняў таму. Дзяўчынка са шматлікімі спалучанымі траўмамі была дастаўлена ў рэанімацыю.

Траўмы аказаліся настолькі складанымі, што ў Ліду з Гродна былі тэрмінова выкліканыя анестэзіёлаг-рэаніматолаг, траўматолаг і афтальмолаг, а з Мінска для правядзення кансультацыі быў прыцягнуты сківічна-тваравы хірург рэспубліканскага ўзроўню. У абставінах здарэння разбіраецца Следчы камітэт.

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Miss Kraken: сакрэтная ўкраінская сістэма выглядае як навуковая фантастыка, але ўжо працуе на фронце3

Жэрар Дэпард'ё прызнаў сваю віну ў сэксуалізаваным гвалце4

Ці пагражае Крыму блакада праз паралізаваны Крымскі мост?17

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць