Палітвязня з Ліды асудзілі за «абразы» чыноўнікаў і «ўдзел у экстрэмісцкім фармаванні» і далі гіганцкі штраф
У Гродзенскім абласным судзе 27 мая вынеслі прысуд па крымінальнай справе Паўла Лукашэвіча.
Яго абвінавацілі ў «абразе прадстаўніка ўлады» (арт. 369 КК), «абразе суддзі альбо народнага засядацеля» (арт. 391 КК) і «стварэнні экстрэмісцкага фармавання альбо ўдзеле ў ім» (ч. 3 арт. 361-1 КК). Справу разглядаў суддзя Юрый Казакевіч.
Палітзняволены Павел Лукашэвіч працаваў у філіяле кампаніі «Белтэкс оптык». Яго затрымалі 22 верасня 2023 года і першапачаткова пакаралі адміністрацыйным арыштам на 15 сутак.
Пасля затрымання з'явілася « відэа, у якім затрыманы кажа:
«Я — жыхар горада Ліды. Быў затрыманы супрацоўнікамі міліцыі за тое, што зарэгістраваўся ў чат-боце плана «Перамога», У тэлеграм-месенджары выказваў пагрозы супрацоўнікам міліцыі, абражаў дзейнага прэзідэнта і суддзю. У плане «Перамога» зарэгістраваўся выключна з цікавасці».
У той жа дзень сілавікі затрымалі і непасрэднага начальніка Паўла — майстра Аляксандра Аніскевіча, які, валодаючы інфармацыяй, 21 верасня паспеў папярэдзіць Лукашэвіча аб тым, што яго хочуць затрымаць, пасля чаго мужчына спрабаваў схавацца. Аніскевіча пакаралі штрафам у памеры 30 базавых велічынь.
Судовы працэс пачаўся 15 траўня.
Суд прызнаў Лукашэвіча вінаватым і пакараў чатырма гадамі калоніі і штрафам 22 тысячы рублёў.
Падтрымайце Паўла: Турма-1, г. Гродна, вул. Кірава 1, 230023, Павел Юр’евіч Лукашэвіч.
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода17
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары