Palitviaźnia ź Lidy asudzili za «abrazy» čynoŭnikaŭ i «ŭdzieł u ekstremisckim farmavańni» i dali hihancki štraf
U Hrodzienskim abłasnym sudzie 27 maja vynieśli prysud pa kryminalnaj spravie Paŭła Łukaševiča.
Jaho abvinavacili ŭ «abrazie pradstaŭnika ŭłady» (art. 369 KK), «abrazie sudździ albo narodnaha zasiadaciela» (art. 391 KK) i «stvareńni ekstremisckaha farmavańnia albo ŭdziele ŭ im» (č. 3 art. 361-1 KK). Spravu razhladaŭ sudździa Juryj Kazakievič.
Palitźniavoleny Pavieł Łukaševič pracavaŭ u filijale kampanii «Biełteks optyk». Jaho zatrymali 22 vieraśnia 2023 hoda i pieršapačatkova pakarali administracyjnym aryštam na 15 sutak.
Paśla zatrymańnia źjaviłasia « videa, u jakim zatrymany kaža:
«Ja — žychar horada Lidy. Byŭ zatrymany supracoŭnikami milicyi za toje, što zarehistravaŭsia ŭ čat-bocie płana «Pieramoha», U telehram-miesiendžary vykazvaŭ pahrozy supracoŭnikam milicyi, abražaŭ dziejnaha prezidenta i sudździu. U płanie «Pieramoha» zarehistravaŭsia vyklučna ź cikavaści».
U toj ža dzień siłaviki zatrymali i niepasrednaha načalnika Paŭła — majstra Alaksandra Aniskieviča, jaki, vałodajučy infarmacyjaj, 21 vieraśnia paśpieŭ papiaredzić Łukaševiča ab tym, što jaho chočuć zatrymać, paśla čaho mužčyna sprabavaŭ schavacca. Aniskieviča pakarali štrafam u pamiery 30 bazavych vieličyń.
Sudovy praces pačaŭsia 15 traŭnia.
Sud pryznaŭ Łukaševiča vinavatym i pakaraŭ čatyrma hadami kałonii i štrafam 22 tysiačy rubloŭ.
Padtrymajcie Paŭła: Turma-1, h. Hrodna, vuł. Kirava 1, 230023, Pavieł Jurjevič Łukaševič.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA17
Kamientary