31 траўня ў судзе Ленінскага раёна Гродна распачнецца новы суд над палітзняволенай Аляксандрай Каско. Яе абвінавачваюць паводле арт. 369 КК (абраза прадстаўніка ўлады) і 391 КК (абраза суддзі). Разглядаць справу будзе суддзя Наталля Горбач, даведалася «Вясна».
Раней, 19 снежня 2023 года, у Гродзенскім абласным судзе 31-гадовай палітзняволенай прызначылі 10 гадоў калоніі. Яе затрымалі пасля вяртання з Польшчы напачатку лютага 2023 года.
Аляксандру Каско асудзілі паводле васьмі артыкулаў Крымінальнага кодэкса, у тым ліку за «ўдзел у экстрэмісцкім фармаванні» і «садзейнічанне экстрэмісцкай дзейнасці». Яшчэ да суда КДБ унёс Аляксандру ў «спіс тэрарыстаў».
У сакавіку жанчына пачала адбываць тэрмін у гомельскай калоніі № 4.
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»9
Каментары