Кіраўнік МЗС Польшчы назваў міграцыйны крызіс на беларуска-польскай мяжы нападам на Еўрасаюз
Па словах Радаслава Сікорскага, у многіх мігрантаў, якія спрабавалі перасекчы польска-беларускую мяжу, былі расійскія візы ў пашпартах.
Міграцыйны крызіс, які ўзнік на мяжы Польшчы — гэта «напад на Еўрасаюз», заявіў кіраўнік польскага МЗС Радаслаў Сікорскі ў інтэрв'ю Gazeta Wyborcza.
Ён падкрэсліў, што гаворка ідзе не пра міграцыю бедных людзей, якія хочуць лепшага жыцця. «На нашай усходняй мяжы мы сутыкнуліся з арганізаваным нападам на Еўрапейскі Саюз. 90% людзей, якія спрабуюць перасекчы польска-беларускую мяжу, маюць у пашпартах расійскія візы», — адзначыў Сікорскі.
Кіраўнік МЗС дадаў, што людзей з розных краін Афрыкі і Блізкага Усходу спачатку дастаўлялі ў Маскву, а затым вывозілі ў Беларусь і адпраўлялі на мяжу з Еўрасаюзам.
У сакавіку міністр нацыянальнай абароны Польшчы Уладзіслаў Касіняк-Камыш заявіў, што краіна «ўзмоцніць прысутнасць войска ва ўсходніх рэгіёнах».
Міністр дадаў, што спробы незаконна перасекчы мяжу Польшчы з боку Беларусі пачасціліся. Пра чарговую хвалю незаконнай міграцыі з беларускай тэрыторыі паведаміў і Вайскова-выдавецкі інстытут (WIW) пры Мінабароны Польшчы.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?1
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары