Паглядзіце, якія прыгожыя маркі выпусціла да 100-годдзя Васіля Быкава Рада БНР ФОТАФАКТ
Пасля 70-гадовага перапынку.
«Маю прыемнасць паведаміць шаноўнаму спадарству, што Рада БНР пасля 70-гадовага перапынку аднавіла традыцыю выпуску паштовых марак, і першая прысвечана Васілю Быкаву. Як вядома, Рада БНР прапанавала абвясціць 2024-ты годам Быкава, 100-годдзе якога беларусы адзначаць праз некалькі дзён (19 чэрвеня)», — напісаў у сваім фэйсбуку намеснік старшыні Рады БНР, журналіст Сяргей Навумчык.
Дызайн маркі зрабіў беларускі мастак, па сюжэце цяпер ужо класічнага фотаздымка Уладзіміра Кармілкіна.
«Для выпуску мы скарысталіся паслугамі Чэшскай пошты, якая друкуе счэпкі разам з дзейнымі знакамі паштовай аплаты Чэшскай Рэспублікі. Зробленыя два лісты ў розных міжнародных літарных наміналах — як для ўнутраных, гэтак і міжнародных адпраўленняў», — расказаў спадар Навумчык.
«Акрамя таго, абмежаваным накладам выпушчаныя два лісты з павялічанай выявай маркі з партрэтам Быкава і з сюжэтам вядомай паштоўкі з «Пагоняй» і выявамі беларускіх гарадоў. Між іншым, нам удалося скарыстаць марку Чэшскай пошты з літарай В (пры жаданні, можна чытаць як «Васіль», а можна — як «Bykau»), дзе ёсць выява бел-чырвона-белага сымбалю.
Падобныя выданні ў счэпках з дзейнымі знакамі паштовай аплаты зʼяўляюцца прадметам філатэліі, і мы пастараемся, каб хаця б невялікая колькасць «быкаўскіх» марак патрапіла на тэрыторыю Беларусі.
Спадзяемся, што ў вольнай Беларусі выява гэтай маркі зʼявіцца, напрыклад, на блоку пошты будучай вольнай Беларусі», — дадаў ён.
Сяргей Навумчык зазначае, што апошнім разам Рада БНР выдавала маркі ў пачатку 1950-х гадоў у Францыі. Тады з ініцыятывы Прэзідэнта Рады БНР Міколы Абрамчыка выпушчаныя дзве серыі марак. Аўтар серыі з выявамі прэзідэнтаў БНР Пётры Крачэўскага і Васіля Захаркі, а таксама Дома Рады БНР, да гэтага часу застаецца невядомым. Серыя з Пагоняй і мапай Беларусі друкавалася паводле эскізаў Уладзіміра Шыманца — бацькі Івонкі Сурвілы.
-
Закаханы ў беларускую мову матэматык і святар, які вывучыў англійскую па дэтэктывах Агаты Крысці. 100 гадоў Аляксандру Надсану
-
У Мінску з гістарычнага дома на Валадарскага знік знакаміты «балкон начальніка турмы»
-
Музей паэткі Яўгеніі Янішчыц перавезлі ў Пінск. Цяпер уся экспазіцыя змяшчаецца на дзвюх паліцах
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары