Сярод краін, якія падтрымліваюць Украіну зброяй, ёсць і Сербія. Але не напрамую
Сербія непрыкметна нарошчвае продаж на захад боепрыпасаў, якія ў выніку ідуць на ўзмацненне абароны Украіны: нягледзячы на тое, што яна адна з дзвюх еўрапейскіх краін, якія не далучыліся да заходніх санкцый супраць Расіі, піша The Financial Times.
Паводле ацэнак выдання, з моманту пачатку поўнамаштабнай вайны ва Украіне аб'ём экспарту боепрыпасаў з Сербіі ва Украіну праз трэція краіны склаў каля 800 млн еўра. Гэтую суму ў прынцыпе прызнае і прэзідэнт Сербіі Аляксандр Вучыч, які прадстаўляе сітуацыю як магчымасці для сербскага бізнэсу, настойваючы пры гэтым, што Сербія як дзяржава не будзе прымаць нічый бок у ваенным канфлікце.
«Гэта частка нашага эканамічнага адраджэння, і гэта важна для нас. Так, мы экспартуем нашы боепрыпасы… Мы не можам экспартаваць ва Украіну ці ў Расію… Але ў нас было шмат кантрактаў з амерыканцамі, іспанцамі, чэхамі і іншымі. Што яны з гэтым робяць у канчатковым выніку — іх справа», — заявіў Вучыч.
«Еўропа і ЗША гадамі працавалі над тым, каб аддаліць Вучыча ад Пуціна», — сказаў адзін заходні дыпламат, дадаўшы, што галоўным гульцом у гэтым быў амбасадар ЗША ў Сербіі Крыстафер Хіл, які прыбыў у Бялград праз месяц пасля лютага 2022 года.
«Усе чакалі, што Хіл будзе змагацца з Вучычам, але яго адзінай задачай было аддаліць Бялград ад Масквы… Яму гэта ўдалося. Вучыч не сустракаўся і нават не тэлефанаваў Пуціну цягам многіх гадоў. І, вядома, ёсць пытанне аб пастаўках зброі, якая трапляе ва Украіну», — сказаў дыпламат.
Па словах аналітыкаў, для Захаду пошук падтрымкі Украіны стаў важнейшым, чым падштурхоўванне нацыяналістычнага лідара Сербіі да дэмакратычных рэформаў.
«Вучыч замоўчвае, што падтрымка Украіны ёсць, але не прамая… Ён гаворыць размыта. Відавочна, што ён не хоча прызнаваць гэтага. Ён хоча, каб ягоныя ўльтраправыя былі задаволеныя, у той час як на самай справе Сербія [прапанавала] Украіне маштабную дапамогу», — гаворыць навуковы супрацоўнік Інстытута гуманітарных навук у Вене Іван Вейвода.
Удзел Сербіі ў пастаўках боепрыпасаў ва Украіну настолькі завуаляваны, што афіцыйныя звесткі не адлюстроўваюць яго, мяркуюць дыпламаты і аналітыкі.
Сербія пагражае зняцца з Еўра — усё з-за крычалкі албанскіх і харвацкіх фанатаў «Забі серба!»
Сын прэзідэнта Сербіі хацеў пабіцца з англійскімі фанатамі — на Еўра ён прыехаў з пераапранутым спецназам ВІДЭА
Рэжысёр Андрэй Гнёт: У сербскай турме самае жахлівае — гэта медычная дапамога. Яе там амаль не існуе
Прэзідэнт Сербіі хоча аднавіць сумесныя вучэнні з НАТА
Прэзідэнт Сербіі: Мы б маглі ўвесці смяротнае пакаранне, але станем у адзін шэраг з Беларуссю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы79
Каментары