«Хлопчык проста заходзіўся ў істэрыцы». У Слуцку бацька пакінуў 4-гадовага сына ў замкнёным аўто падчас спёкі
У выхадныя на стаянцы гандлёвага цэнтра ў Слуцку здарыўся інцыдэнт з зачыненым у машыне маленькім дзіцём. Падрабязнасці расказалі відавочцы парталу Slutsk Gorod.
Дарослыя заўважылі на паркоўцы машыну, у якой біўся ў істэрыцы маленькі хлопчык — ён быў наглуха зачынены ў душным аўтамабілі.
У надзеі знайсці бацькоў малога людзі стукалі па колах, а пасля звярнуліся да аховы крамы з просьбай зрабіць абвестку па гучнай сувязі. На сігнал хутка выбег бацька.
На пытанне, навошта ён пакінуў дзіця ў машыне ў такую спёку аднаго з зачыненымі вокнамі, мужчына адказаў, што адбег па справах, пакуль сын спаў.
Між тым пры тэмпературы знешняга паветра 28-32℃ усяго за 10 хвілін паветра ў аўто награецца ў сярэднім да 41-45℃, за паўгадзіны — да +50℃ і вышэй.
Ужо пры 41-42℃ асноўныя органы дзяцей, пакінутых на спякоце ў аўто, пачынаюць станавіцца, і можа адбыцца непапраўнае. І гэта ўсяго за 15-20 хвілін.
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары