Ратавальнікі папярэдзілі пра складаныя ўмовы надвор'я ад самае раніцы. Чакаюцца моцныя дажджы
Асноўны ўдар стыхіі прыйдзецца па памежных з Літвой раёнах.
У многіх раёнах краіны назіраецца ўзмацненне заходняга, паўночна-заходняга ветру парывамі 15-22 м/с, месцамі да 25-27 м/с, у многіх раёнах прагназуюць моцныя дажджы.
МНС у сваім тэлеграм-канале піша пра фактары небяспекі: пашкоджанне ліній сувязі і электраперадачы, адключэнне электрычных падстанцый, электраэнергіі ў населеных пунктах, пашкоджанне (абвальванне) слаба ўмацаваных канструкцый, дахаў будынкаў, збудаванняў, падзенне дрэў.
На дарогах таксама могуць быць складаныя ўмовы надвор'я.
На большай частцы тэрыторыі краіны чакаюцца дажджы, у многіх раёнах моцныя дажджы.
Асноўны ўдар стыхіі прыйдзецца раніцай па памежных з Літвой раёнах. У Ашмянах і Астраўцы можа выпасці да 43 мм ападкаў, пры месячнай норме ў 88-90 мм. У Мінску чакаецца да 20 мм ападкаў.
У асобных раёнах навальніцы. Вецер заходні, паўночна-заходні 6—11 м/с, у многіх раёнах парывы 15—22 м/с, месцамі да 25-27 м/с.
Тэмпература паветра ад +14°С па ўсходзе да +24°С па паўднёвым захадзе.
У Мінску днём чакаецца ўсяго +15..+17°С, моцны дождж.
Цяпер чытаюць
Дрон прыляцеў у пасажырскі аўтобус на мяжы Расіі і Беларусі2
Дрон прыляцеў у пасажырскі аўтобус на мяжы Расіі і Беларусі
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца44
Каментары