Ці шмат зменіцца ад таго, што ва Украіну прыбылі знішчальнікі F-16?

Украіна з пачатку вайны была ў нявыгадным становішчы з пункту гледжання ваенна-паветраных сіл. І яна прасіла пра F-16, сучасныя заходнія знішчальнікі, практычна з першага дня вайны.

Яна чакала вельмі доўга. Таму важна, што Украіна атрымлівае хаця б нешта.

Калі зірнуць на вайну цяпер — Расія выкарыстоўвае сваю перавагу ў паветры, выкарыстоўваючы кіраваныя авіябомбы: гэта вялікая пагроза на фронце цяпер. Гэта бомбы, якія запускаюць у расейскай паветранай прасторы, за 40-50 км ад цэляў ва Украіне.

Гэта страшная і магутная зброя. Яны выкарыстоўваюць іх па Харкаве, у Харкаўскім наступленні, я бачыў іх там. Гэтыя бомбы выклікаюць моцны страх, яны жудасныя.

Калі ў вас ёсць F-16 з ракетамі сярэдняй далёкасці класа «паветра-паветра» — то гэта магло б нейтралізаваць гэтую пагрозу, калі будзе дазвол збіваць расійскія самалёты ў расійскай паветранай прасторы.

Аднак з усёй зброяй, якую дае Захад, трэба пазбягаць выразу «гейм чэйнджар», гэта значыць цудадзейны сродак, які зменіць ход вайны. Ніякая зброя не можа вырашыць ходу вайны. Адзінай такой зброяй былі сістэмы СПА Patriot. Гэта чыста абарончая зброя, якой Украіне патрабавалася ўсё больш і больш. Але ніводная наступальная зброя, якую атрымала Украіна, не змяніла дынаміку канфлікту.

Украіна ў паветры мела сур'ёзнае адставанне — і тут F-16 дапамогуць.

Тое, што выклікае сур'ёзную занепакоенасць у Кіева і заходніх краін, якія перадаюць Украіне F-16 — гэта тое, што яны стануць мішэнню расіян.

Ёсць асцярогі і з нагоды саміх F-16, таму што гэта вельмі магутныя рэактыўныя самалёты. Яны маюць велізарны паветразаборнік, што, як пыласос, засмоктвае смецце на ўзлётнай паласе.

Таму ёсць пытанне, ці справяцца з імі ўзлётныя палосы ва Украіне. Яны маюць патрэбу ў тэхнічным абслугоўванні і гэта, верагодна, азначае, што ва Украіну павінны прыбыць заходнія падрадчыкі.

Таму людзям не варта чакаць, што заходнія знішчальнікі раптам зменяць дынаміку вайны. Цяжка ўявіць, што гэта магчыма. Ды і Расія будзе ўлічваць прыбыццё самалётаў.

І варта памятаць, што ў РФ заўсёды будзе больш самалётаў, чым ва Украіны. Так, Украіне ўдаецца збіваць расійскія самалёты і з F-16 шанцы збіць іх узрастуць — пры ўмове, што яны будуць мець адпаведную зброю.

Але не трэба спяшацца, ускладаючы надзеі на прыбыццё F-16 і тое, што яны адразу дадуць Украіне перавагу ў паветры. Гэтага не будзе. І не ўсе яны прыйдуць адначасова, а будуць пастаўляцца паступова. Яны зменяць сітуацыю, але яны не прынясуць Украіне раптоўнай перамогі.

• 10
• 0
• 1
• 0
• 0
• 1
• 1
• 0