Ад мастака Кузьміча, які раскапаў магілу ван Гога, патрабуюць пакінуць тэрыторыю ЕС
Яго таксама аштрафавалі на 3000 еўра.
У фэйсбуку мастака Аляксея Кузьміча апублікавалі рашэнне суда па выніках ягонага перформансу на магіле Вінсэнта Ван Гога.
«Пасля затрымання на акцыі Renaissance, над Аляксеем Кузьмічам адбыўся суд у Tribunal de Pontoise. Прысудзілі агульны штраф 3000 еўра, месяц умоўнага зняволення і дэпартацыю ў краіну паходжання, г. зн. у Беларусь. Цяпер Аляксей знаходзіцца ў дэпартацыйным цэнтры (…) які, па сутнасці, з'яўляецца турмой, дзе знаходзяцца зняволеныя, якія адбылі тэрмін у калоніі і чакаюць адпраўкі дадому. Рашэнні суда па дэпартацыі ніжэй. Новыя падрабязнасці з'явяцца па меры паступлення інфармацыі»
У рашэнні суда гаворыцца, што Кузьміч павінен пакінуць тэрыторыю ЕС, бо ён знаходзіўся на тэрыторыі Францыі незаконна. Таксама яму забаранілі на два гады ўязжаць у Францыю.
Аляксея Кузьміча затрымалі 29 ліпеня ў Авер-сюр-Уваз пад Парыжам на магіле мастака Вінсэнта ван Гога — Кузьміч спрабаваў у рамках перформансу раскапаць магілу мастака. Беларуса затрымалі і адправілі ў СІЗА.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары