Беларускі мастак-акцыяніст Аляксей Кузьміч выклаў відэа свайго новага перформансу.
Мастак зладзіў яго ў французскім гарадку Авер-сюр-Уаз. Менавіта там на могілках пахаваны Вінсэнт ван Гог — аўтар «Зорнай ночы», «Сланечнікаў» і іншых геніяльных карцін.
Кузьміч прыйшоў на могілкі ў белых кашулі і штанах, з пабеленым тварам і рыдлёўкай у руках, а перад пачаткам акцыі празвінеў ягоны будзільнік. Аляксей абвясціў нешматлікім наведвальнікам могілак, што не можа жыць у свеце, дзе скончыліся мастакі, але цяпер «усё зменіцца», і ў свет вернецца мастак.
Далей Кузьміч звярнуўся да магілы і некалькі разоў заклікаў ван Гога ўстаць, а таксама пачаў раскопваць магілу. Далёка прасунуцца ён не здолеў. Мастака спынілі людзі ў форме — напэўна, ахова ці паліцыя.
«Наша Нiва» — бастыён беларушчыны
ПАДТРЫМАЦЬЦяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»6
Каментары