Мінскае «Дынама» прайграла нават Гібралтару — затое ўпершыню за доўгі час згуляе ў асноўным этапе еўракубкаў
Беларускі клуб не без цяжкасцяў прайшоў гібралтарскі «Лінкальн Рэд Імпс» і, як мінімум, увосень згуляе ў асноўным раўндзе Лігі канферэнцый.
«Дынама», якое пачынала еўракубкавае лета з кваліфікацыі Лігі чэмпіёнаў, вылецела з яе ў другім раўндзе. Аднак супернік у трэцім раўндзе кваліфікацыі Лігі Еўропы трапіўся самы лёгкі — гібралтарскі «Лінкальн».
Тыдзень таму «Дынама» ў Венгрыі на нейтральным полі перамагло 2:0. Сёння ў Гібралтары «Лінкальн» выйграў — 2:1.
Але мінскі клуб па суме двух паядынкаў выйшаў у плэй-оф кваліфікацыі Лігі Еўропы, дзе згуляе з бельгійскім «Андэрлехтам». Матчы пройдуць 22 і 29 жніўня.
Нават калі мінчукі прайграюць, то яны выступяць у асноўным раўндзе Лігі канферэнцый — трэцім па моцы еўракубку. Калі ж перамогуць, то будуць увосень гуляць у Лізе Еўропы.
«Дынама» двойчы гуляла ў групавым турніры Лігі Еўропы, у сезоне 2014-2015 і 2015-2016 (тады Лігі канферэнцый не было).
А беларускі клуб апошні раз гуляў у групавым турніры ў сезоне 2018-2019 (БАТЭ ў Лізе Еўропы).
З таго часу беларускія дружыны ў еўравосень не прабіваліся.
Лёсаванне асноўнага раўнду Лігі Еўропы і Лігі канферэнцый пройдзе 30 жніўня.
Гэтым летам у кваліфікацыі Лігі канферэнцый гулялі «Тарпеда-БелАЗ», «Іслач» і «Нёман», але вылецелі ў першых для сябе раўндах. Збольшага ганебна.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары