«Прывет палітычным прастытуткам». Бондарава наехала на Азаронка з-за аднаго прыназоўніка
І абвінаваціла яго ў фальсіфікацыі цытаты, а таксама ў парушэннях правілаў рускай мовы.
Халодная вайна паміж дзвюма групамі прыхільнікаў Лукашэнкі працягваецца. Не так даўно Азаронак абвінаваціў Бондараву і яе аднадумцаў у працы на заходнія выведкі. Цяпер даносчыца спрабуе нанесці ўдар у адказ.
Балазе нагоду для крытыкі прапагандыст СТБ даў сам. У тэлеграм-канале Азаронка напярэдадні вечарам з'явілася цытата праўладнай манашкі Гаўрыілы, якая вырашыла паразважаць аб становішчы РПЦ ва Украіне.
Невядома, пісаў пост Азаронак сам, ці яму хтосьці дапамог. Аднак у загалоўку цытата манашкі выглядала так: «Я хачу сказаць тое, што адбываецца цяпер ва Украіне з нашай кананічнай царквой — гэта самы спрыяльны час».
Аўтар паста парушыў «правіла», якое дэманстратыўна ўжывае расійская прапаганда — замест прыназоўніка «на» ўжыты прыназоўнік «у».
На гэта і звярнула ўвагу Бондарава. Да таго ж, яна заўважыла, што сама Гаўрыіла ў відэа, прымацаваным да паста, звыкла кажа менавіта «на», а не «ў».
«Не ведаю, хто вядзе канал Азаронка, але ён не толькі парушае правілы рускай мовы, але яшчэ і перакручвае цытату матушкі Гаўрыілы, якая нідзе ў сваёй прамове не ўжыла назву Украіны з прыназоўнікам «у». Матушка кажа: «на Украіне». Паслухайце самі, суграмадзяне.
Прывет палітычным прастытуткам (закрэслена) асобам з нізкай сацыяльнай адказнасцю», — напісала Бондарава.
Азаронак неўзабаве выправіў прыназоўнік у арыгінальным пасце. Але рэагаваць на словы Бондаравай пакуль не стаў.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень5
Каментары
Хай загрызуцца гэтыя абаронцы расейскага.
Зрабіць апытанку ў мэсэнджары - кныровічы накруцяць вынікі, выбарэфэрэндум правесьці - ярмошыны новаматэматыкай ашукаюць, паштовае галасаваньне - дэмпартыя накідае капэртаў.
Лады, жывіце доўга здаровенькія, шчасьлівыя, маладыя, прыгожыя і багатыя (трэ адпаведны закон выдаць, і гэлікоптэр кожнаму міністру фінансаў - грошы раскідаць людзям), а праз розную лухту не сварыцеся.
×Паказытала атамным грыбочкам падпашкі на разьвітаньне×