Зяленскі заявіў, што Украіна хоча прымусіць Пуціна спыніць вайну дыпламатычна, але і гатовая зрабіць гэта сілай
Пра гэта прэзідэнт Украіны заявіў падчас урачыстага мерапрыемства з нагоды 33-х угодкаў незалежнасці.
«Мы будзем рабіць усё, каб прымусіць Пуціна скончыць гэтую вайну дыпламатычна, каб было менш страт. Але, калі ў нас гэта не атрымаецца, калі партнёры «пасыпяцца» і не будуць стаяць моцна супраць агрэсіі Пуціна, то мы зробім усё, каб наша армія была гатовая справядліва выцесніць Пуціна з тэрыторыі нашай краіны», — сказаў Уладзімір Зяленскі.
Таксама прэзідэнт Украіны абвергнуў, што аперацыя УСУ ў Курскай вобласці праводзіцца дзеля ўзмацнення перамоўнай пазіцыі і як карта для будучага дыялогу з Расіяй.
«Хтосьці кажа, што мы разыгрываем карту для дыялогу. Які дыялог? Гэты «хтосьці» Пуцін (прэзідэнт Расіі заявіў, што Украіна пачала наступ у Курскай вобласці для «ўзмацнення перамоўнай пазіцыі». — НН). Мы не разыгрываем ніякія карты. Мы вельмі адкрытыя з нашымі партнёрамі. Мы сказалі, як дыпламатычна мы ідзем да справядлівага міру і да заканчэння вайны», — заявіў Зяленскі.
Раней Зяленскі назваў іншыя мэты наступу ў Курскай вобласці.
1. Папаўненне абменнага фонду.
2. Нанесці прэвентыўны ўдар, каб прадухіліць наступ РФ на Сумскую вобласць.
3. Паказаць расійскаму грамадству, што для Пуціна даражэйшая акупацыя тэрыторыі Украіны, чым абарона свайго насельніцтва (Расія не перакідвае буйныя сілы з украінскага фронту ў Курскую вобласць).
Цяпер чытаюць
Эйсмант: Статкевіча памілавалі ўжо паўгода назад, але тады ён вярнуўся ў турму25
Каментары