Zialenski zajaviŭ, što Ukraina choča prymusić Pucina spynić vajnu dypłamatyčna, ale i hatovaja zrabić heta siłaj
Pra heta prezident Ukrainy zajaviŭ padčas uračystaha mierapryjemstva z nahody 33-ch uhodkaŭ niezaležnaści.
«My budziem rabić usio, kab prymusić Pucina skončyć hetuju vajnu dypłamatyčna, kab było mienš strat. Ale, kali ŭ nas heta nie atrymajecca, kali partniory «pasypiacca» i nie buduć stajać mocna suprać ahresii Pucina, to my zrobim usio, kab naša armija była hatovaja spraviadliva vycieśnić Pucina z terytoryi našaj krainy», — skazaŭ Uładzimir Zialenski.
Taksama prezident Ukrainy abvierhnuŭ, što apieracyja USU ŭ Kurskaj vobłaści pravodzicca dziela ŭzmacnieńnia pieramoŭnaj pazicyi i jak karta dla budučaha dyjałohu z Rasijaj.
«Chtości kaža, što my razyhryvajem kartu dla dyjałohu. Jaki dyjałoh? Hety «chtości» Pucin (prezident Rasii zajaviŭ, što Ukraina pačała nastup u Kurskaj vobłaści dla «ŭzmacnieńnia pieramoŭnaj pazicyi». — NN). My nie razyhryvajem nijakija karty. My vielmi adkrytyja z našymi partniorami. My skazali, jak dypłamatyčna my idziem da spraviadlivaha miru i da zakančeńnia vajny», — zajaviŭ Zialenski.
Raniej Zialenski nazvaŭ inšyja mety nastupu ŭ Kurskaj vobłaści.
1. Papaŭnieńnie abmiennaha fondu.
2. Nanieści previentyŭny ŭdar, kab praduchilić nastup RF na Sumskuju vobłaść.
3. Pakazać rasijskamu hramadstvu, što dla Pucina daražejšaja akupacyja terytoryi Ukrainy, čym abarona svajho nasielnictva (Rasija nie pierakidvaje bujnyja siły z ukrainskaha frontu ŭ Kurskuju vobłaść).
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»36
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary