Міністр замежных спраў Польшчы абгрунтоўвае гэта бяспекай насельніцтва сваёй краіны.
Міністр замежных спраў Польшчы Радаслаў Сікорскі ў інтэрв'ю выданню The Financial Times заявіў, што яго краіна, як і іншыя краіны, што мяжуюць з Украінай, нягледзячы на супрацьдзеянне НАТА, «абавязаны» збіваць расійскія ракеты, перш чым яны ўвойдуць у іх паветраную прастору.
Са слоў Сікорскага, Варшава абавязана забяспечыць бяспеку сваіх грамадзян, нягледзячы на асцярогі, што перахопы ракет над украінскай тэрыторыяй могуць уцягнуць альянс у канфлікт Расіі з Украінай.
«Сяброўства ў НАТА не адмяняе адказнасці кожнай краіны за ахову ўласнай паветранай прасторы — гэта наш уласны канстытуцыйны абавязак», — сказаў Сікорскі.
«Я асабіста лічу, што калі варожыя ракеты знаходзяцца на шляху ў нашу паветраную прастору, было б законнай самаабаронай [нанесці па іх удар], таму што, як толькі яны ўваходзяць у нашу паветраную прастору, рызыка таго, што абломкі могуць кагосьці параніць, становіцца значнай», — адзначыў кіраўнік польскага МЗС.
Па словах Сікорскага, рызыка ахвяр сярод палякаў павялічваецца па меры набліжэння ракеты да цэлі ў момант перахопу, таму збіваць яе лепш на большай вышыні над Украінай.
«Украінцы нам сказалі: калі ласка», — дадаў ён.
Выданне адзначае, што Сікорскі настойваў на праве сваёй краіны на перахоп пасля таго, як раніцай 26 жніўня невядомы паветраны аб'ект перасёк мяжу Польшчы і правёў у паветранай прасторы краіны 33 хвіліны.
Польскія вайскоўцы схіляюцца да таго, што ад курсу адхіліўся расійскі беспілотнік, выпушчаны ў час масіраванай расійскай атакі на Украіну. З таго часу польскія ўлады шукаюць беспілотнік, які мог прызямліцца на тэрыторыі Украіны.
Намеснік генеральнага сакратара НАТА Мірча Джоан пракаментаваў словы польскага міністра замежных спраў наступным чынам:
«Вядома, мы паважаем суверэннае права кожнага саюзніка забяспечваць нацыянальную бяспеку. Але ў НАТА мы заўсёды раімся, перш чым увязвацца ў нешта, што можа мець наступствы для ўсіх нас, і нашы польскія саюзнікі заўсёды былі бездакорнымі ў кансультацыях у альянсе».
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары
Казаў Мао Дзедун . Ўжо і прыхільнік вершаў Быкава збівае расейскія шахеды , а яны ўсе ваду ў цэбарэ таўкуць )))
адчуйце, як гаварыцца, розніцу