Ministr zamiežnych spraŭ Polščy abhruntoŭvaje heta biaśpiekaj nasielnictva svajoj krainy.
Ministr zamiežnych spraŭ Polščy Radasłaŭ Sikorski ŭ intervju vydańniu The Financial Times zajaviŭ, što jaho kraina, jak i inšyja krainy, što miažujuć z Ukrainaj, niahledziačy na supraćdziejańnie NATA, «abaviazany» źbivać rasijskija rakiety, pierš čym jany ŭvojduć u ich pavietranuju prastoru.
Sa słoŭ Sikorskaha, Varšava abaviazana zabiaśpiečyć biaśpieku svaich hramadzian, niahledziačy na aściarohi, što pierachopy rakiet nad ukrainskaj terytoryjaj mohuć uciahnuć aljans u kanflikt Rasii z Ukrainaj.
«Siabroŭstva ŭ NATA nie admianiaje adkaznaści kožnaj krainy za achovu ŭłasnaj pavietranaj prastory — heta naš ułasny kanstytucyjny abaviazak», — skazaŭ Sikorski.
«Ja asabista liču, što kali varožyja rakiety znachodziacca na šlachu ŭ našu pavietranuju prastoru, było b zakonnaj samaabaronaj [nanieści pa ich udar], tamu što, jak tolki jany ŭvachodziać u našu pavietranuju prastoru, ryzyka taho, što abłomki mohuć kahości paranić, stanovicca značnaj», — adznačyŭ kiraŭnik polskaha MZS.
Pa słovach Sikorskaha, ryzyka achviar siarod palakaŭ pavialičvajecca pa miery nabližeńnia rakiety da celi ŭ momant pierachopu, tamu źbivać jaje lepš na bolšaj vyšyni nad Ukrainaj.
«Ukraincy nam skazali: kali łaska», — dadaŭ jon.
Vydańnie adznačaje, što Sikorski nastojvaŭ na pravie svajoj krainy na pierachop paśla taho, jak ranicaj 26 žniŭnia nieviadomy pavietrany abjekt pierasiok miažu Polščy i pravioŭ u pavietranaj prastory krainy 33 chviliny.
Polskija vajskoŭcy schilajucca da taho, što ad kursu adchiliŭsia rasijski bieśpiłotnik, vypuščany ŭ čas masiravanaj rasijskaj ataki na Ukrainu. Z taho času polskija ŭłady šukajuć bieśpiłotnik, jaki moh pryziamlicca na terytoryi Ukrainy.
Namieśnik hienieralnaha sakratara NATA Mirča Džoan prakamientavaŭ słovy polskaha ministra zamiežnych spraŭ nastupnym čynam:
«Viadoma, my pavažajem suvierennaje prava kožnaha sajuźnika zabiaśpiečvać nacyjanalnuju biaśpieku. Ale ŭ NATA my zaŭsiody raimsia, pierš čym uviazvacca ŭ niešta, što moža mieć nastupstvy dla ŭsich nas, i našy polskija sajuźniki zaŭsiody byli biezdakornymi ŭ kansultacyjach u aljansie».
Ciapier čytajuć
Palitviazień raskazaŭ, jak zvyčajnyja kryminalniki abjavili haładoŭku, kab palepšyć umovy ŭtrymańnia palityčnych3
Kamientary
Kazaŭ Mao Dziedun . Ŭžo i prychilnik vieršaŭ Bykava źbivaje rasiejskija šachiedy , a jany ŭsie vadu ŭ cebare taŭkuć )))
adčujcie, jak havarycca, roźnicu