Трамп пра словы Пуціна пра Харыс: Не ведаю, абразіў ён мяне ці аказаў мне паслугу
Кандыдат у прэзідэнты ЗША пракаментаваў выказванне Пуціна, які заявіў, што яму падабаецца смех Камалы Харыс.
Дональд Трамп на перадвыбарным мітынгу ацаніў выказванне Уладзіміра Пуціна пра Камалу Харыс.
Пуцін напярэдадні заявіў, што падтрымлівае ў прэзідэнцкай гонцы ў ЗША Харыс, бо яна заразліва смяецца.
«Не ведаю, абразіўся я, ці ён аказаў мне паслугу», — заявіў Трамп.
Пракаментавалі выказванне Пуціна і ў Белым доме. Спікер па нацбяспецы Джон Кірбі заявіў, што быў бы ўдзячны, калі б Пуцін перастаў казаць пра выбары ў ЗША і ўмешвацца ў палітычную сітуацыю ў краіне, паведамляе Newsweek.
Крыху раней на сесіі пытанняў і адказаў у эканамічнай палітыцы Трамп заявіў, што не з'яўляецца прыхільнікам жорсткіх санкцый супраць Расеі, піша USA Today.
Па ягоных словах, санкцыі трэба ўжываць «вельмі разумна», бо яны могуць падарваць даляр ЗША.
Ён дадаў, што паспрабуе дамовіцца аб урэгуляванні паміж Расеяй і Украінай. «Я хачу як мага радзей звяртацца да санкцый», — заявіў Трамп.
Выбары прэзідэнта ЗША пройдуць 5 лістапада. За месца ў Авальным кабінеце пазмагаюцца віцэ-прэзідэнт Камала Харыс і былы прэзідэнт краіны Дональд Трамп.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення17
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары