У аўтобусе, які ехаў з Польшчы ў Беларусь, знайшлі 19 каралеўскіх пітонаў
Змей канфіскавалі і адправілі ў заапарк — там задаволеныя.
Брэсцкія мытнікі знайшлі 19 каралеўскіх пітонаў у рэйсавым аўтобусе, які ехаў з Польшчы ў Беларусь.
Кіроўца схаваў пітонаў у спецыяльным тайніку ў прыступках аўтобуса. На мяжы ён заявіў, што вязе толькі асабістыя рэчы.
Мытнікаў нешта насцярожыла, і яны вырашылі правесці дадатковы кантроль. Сканаграма паказала, што ў прыступках нешта схавана, паведамляе Мытны камітэт.
Адкруціўшы самарэзы на панэлі прыступкі, мытнікі дасталі з нішы пяць пластыкавых кантэйнераў з пітонамі. Разам з жывёламі пад прыступкай кіроўца схаваў і шэсць манометраў вагой 40 кг.
Кіроўца заявіў, што перавезці змей і манометры яго папрасіў незнаёмы чалавек у Варшаве. Пры гэтым кантактаў асобы, якой трэба было перадаць змей, у кіроўцы не было.
У выніку мытнікі канфіскавалі змей, манометры і аўтобус. Пітонаў перадалі ў Мінскі заапарк. Спецыялісты распавялі, што такая афарбоўка пітонаў з'яўляецца для заапарка эксклюзівам.
Цяпер чытаюць
Галоўная рэдактарка гомельскай раёнкі пакаялася за тое, што абвінаваціла гурт «Дразды»7
Каментары