Галоўны трэнер футбольнай каманды «Нёман» Ігар Кавалевіч пракаментаваў дыскваліфікацыю Ягора Зубовіча. Гэты футбаліст падчас гульні ў парыве гневу даў выспятка надпісу «80 гадоў вызвалення».
«Ён папрасіў прабачэння, гэта эмоцыі. У гэты дзень у маці Ягора быў юбілей, ён падрыхтаваў майку, і момант быў стоадсоткавы. Проста эмоцыі чалавека.
Дакладна скажу, што на шчыт ён не глядзеў. Быў бы іншы надпіс — ударыў бы ў іншы. Мы падтрымліваем Ягора»,
— сказаў Кавалевіч тэлеканалу «Беларусь 5», прыводзіць яго словы «Трыбуна».
Нагадаем, пасля таго, як Зубовіч разбіў банэр, ён запісаў відэа з выбачэннямі, а таксама ўсклаў кветкі да помніка Перамогі.
Дысцыплінарны камітэт Беларускай федэрацыі футболу прыняў рашэнне дыскваліфікаваць гульца на адзін матч. Акрамя таго, Зубовіча абавязалі выплаціць штраф у 10 базавых (400 рублёў).
Цяпер чытаюць
Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд8
Каментары