«Калі трэба паехаць у Крым — паеду, але навошта?» Лукашэнка ўхіліўся ад пытання аб прызнанні акупаваных тэрыторый Украіны
Аляксандр Лукашэнка заявіў, што пакуль не бачыць неабходнасці ехаць у Крым. Пры гэтым, кажучы пра супрацоўніцтва з захопленымі Расіяй тэрыторыямі, ён назваў іх усходам Украіны.
Аляксандр Лукашэнка заявіў, што можа паехаць у Крым, але пакуль такой неабходнасці няма.
Супрацоўнік «Известий» запытаў у Лукашэнкі, ці стаіць на парадку дня пытанне прызнанне Мінскам акупаваных тэрыторый Украіны расійскімі, і ці гатовы той паехаць у Крым. Лукашэнка адразу стаў адказваць на другое пытанне, а ад першага пастараўся ўхіліцца.
«Ці паеду я ў Крым? Думаю, гэта пытанне ад журналістаў больш. Калі трэба паехаць — паеду. Я чалавек рашучы. Але якая неабходнасць мне сёння ці ўчора была ехаць у Крым?» — сказаў, зморшчыўшыся, Лукашэнка.
Ён паўтарыў сваю пазіцыю, якую агучваў раней.
«Дэ-факта Крым — расійскі. Дэ-юрэ — не. Таму што юрыдычныя гэтыя пытанні аднабакова ўрэгуляваныя. І міжнародная так званая супольнасць, што не хвалюе Расію, і я б так зрабіў, не прызнае Крым расійскім», — растлумачыў Лукашэнка.
Ён нагадаў, што супрацоўнічае з анексаваным Крымам, а таксама з акупаванымі Расіяй тэрыторыямі, якія ён назваў усходам Украіны.
«Мы адразу супрацоўнічаць пачалі з Крымам, супрацоўнічаем і цяпер. І з усходам Украіны супрацоўнічаем з усімі абласцямі. Дарэчы, нас кіраўніцтва Украіны і вайскоўцы папракаюць у гэтым. Кажуць, што арганізацыі, якія супрацоўнічаюць з, як яны кажуць, захопленымі абласцямі, трапяць пад санкцыі. Мы ім кажам: «Яны і так пад санкцыямі». Ужо далей няма куды трапляць.
Ну а тое, што трэба Данбасу і Крыму, калі гэта ёсць, мы гэта прадаем. Яны ж за гэта плацяць. Чаму нам не супрацоўнічаць», — дадаў Лукашэнка.
Ён чарговы раз абвінаваціў Украіну ў тым, што яна першай увяла супраць Беларусі санкцыі і заявіў, што ўкраінскае кіраўніцтва не можа яму дыктаваць, з кім супрацоўнічаць.
На заканчэнне Лукашэнка адзначыў, што «гэта пытанне пакуль адкладзенае». Што ён меў на ўвазе — пытанне паездкі ў Крым або пытанне прызнання тэрыторый, супрацоўнік «Известий» не ўдакладняў.
Лукашэнка незадаволены, што яго адправілі ў «прылазнік»
«Панёс такую лухту, што нават я здзівіўся». Кізім пракаментаваў заявы Лукашэнкі
Аказваецца, Беларусь не давала тэрыторыі для нападу на Украіну. Лукашэнка сцвярджае, што гэта было нешта іншае
Лукашэнка расказаў, што прадстаўнікі Захаду прыязджалі да яго пагаварыць пра Емен і Кітай
Лукашэнка заявіў, што сям‘я можа бачыцца з Калеснікавай і што яна нічым не адрозніваецца ад «мільёна» іншых палітвязняў
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары