Прэм'ер-міністр Арменіі лічыць, што гэты напой варта называць брэндзі.
Прэм'ер-міністр Арменіі Нікол Пашынян на пасяджэнні ўрада паразважаў пра геаграфічную генеалогію назвы «каньяк».
Пашынян лічыць, што армянскі каньяк неабходна называць брэндзі, паколькі само слова «каньяк» пайшло ад геаграфічнай вобласці ў Францыі, піша The Armenian Time.
Палітык правёў аналогію з шампанскім.
«Мы выйшлі з культуры спажывання «Савецкага шампанскага». Аднак шампанскае — гэта не любое пеністае віно, а пеністае віно, вырабленае з вінаграду, вырашчанага ў рэгіёне Шампань. Гэтак жа сама як і каньяк — брэнд, які вырабляецца з вінаграду, атрыманага ў рэгіёне Каньяк», — заявіў Пашынян.
Ён лічыць, што гэта прысваенне чужой нематэрыяльнай каштоўнасці.
«Прысваенне чужой нематэрыяльнай каштоўнасці — несалідна. Гэта рэчы, якія на першы погляд недаступныя, але без сутыкнення з такімі пытаннямі і іх рашэння немагчыма мець сучасную эканоміку. Цяпер, напрыклад, каньяк з'яўляецца нематэрыяльнай каштоўнасцю для Францыі, і сёння краіны, якія не з'яўляюцца Францыяй, але заяўляюць: «Ведаеце, які ў нас каньяк?», выклікаюць толькі ўсмешку з боку», — мяркуе Пашынян.
Ён заклікаў Міністэрства эканомікі ўзяцца за развязанне гэтай праблемы.
Цяпер чытаюць
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі10
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары