Свет1717

Башар Асад вярнуўся ў Дамаск і рыхтуецца даць адпор паўстанцам

Кіраўнік Сірыі Башар Асад, які пасля пачатку ў краіне паспяховага наступлення апазіцыйных яму сілаў неадкладна злётаў у Маскву для сустрэчы з Пуціным, вярнуўся ў Дамаск і разгарнуў актыўную дзейнасць па арганізацыі адпору паўстанцам, а таксама мабілізацыі ўплывовых міжнародных саюзнікаў. 

Башар Асад. Фота: Borna News/Matin Ghasemi/Aksonline ATPImages/Getty Images

Як выглядае з апошніх паведамленняў, верныя Асаду вайсковыя часці адышлі ад разгубленасці і рыхтуюцца даць паўстанцам, якім да гэтага часу ўдалося заняць буйны горад Алепа і правінцыю Ідліб на паўночным захадзе краіны, адпор. Камандаванне арміі заявіла пра паспяховае і рашучае адбіццё іх чарговай атакі і анансавала хуткае контрнаступленне.

Горад Хама, які меў стаць для паўстанцаў наступнай мэтай, пакуль не ўзяты, урадавыя войскі выказваюць гатоўнасць яго абараняць. Мясцовы губернатар заявіў, што ў Хаму прыбылі падмацаванні сірыйскай арміі, а ўсе дзяржаўныя ўстановы працуюць у звыклым рэжыме. Паведамленні аб уступленні ў Хаму паўстанцкіх атрадаў ён назваў фэйкам.

Башар Асад тым часам спрабуе сфармаваць у абарону свайго рэжыму кааліцыю з уплывовых у рэгіёне чыннікаў, якія ў ім зацікаўленыя. Так, адразу пасля вяртання з Масквы ён паразмаўляў па тэлефоне з прэзідэнтам Аб'яднаных Арабскіх Эміратаў шэйхам Мухамедам бін Заідам Аль Нахаянам. Падчас гэтай гутаркі, як паведаміла прэс-служба Асада, сірыйскі дыктатар падкрэсліў, што Сірыя «працягвае адстойваць сваю стабільнасць і тэрытарыяльную цэласнасць перад абліччам тэрарыстаў і іх прыхільнікаў» і патрабуе падтрымкі «саюзнікаў і сяброў». Кіраўнік ААЭ у адказ нібыта заявіў, што ягоная краіна «падтрымлівае намаганні Сірыі ў барацьбе з тэрарызмам, аднаўленні яе суверэнітэту, тэрытарыяльнай цэласнасці і стабільнасці».

Падобная размова адбылася таксама з прэм'ер-міністрам Ірака Мухамедам Шыітай аль-Судані. Той нібыта таксама гатовы аказаць Асаду неабходную дапамогу.

Паведамляецца таксама, што 1 снежня Сірыю наведае міністр замежных спраў Ірана Абас Арагчы. Ён плануе сустрэцца з сірыйскімі ўладамі ў Дамаску, а затым адправіцца ў Анкару для перамоў з турэцкімі афіцыйнымі асобамі. Лічыцца, што за спінай паўстанцаў стаіць Турцыя на чале з яе прэзідэнтам Рэджэпам Таіпам Эрдаганам, хоць афіцыйна гэта і адмаўляецца.

Між тым, паводле паведамлення выдання The Times of Israel, прэм'ер варожага сірыйскаму рэжыму Ізраіля Біньямін Нетаньяху правёў кансультацыі са сваёй разведкай аб сітуацыі ў Сірыі. Ізраіль разглядае крах рэжыму Асада як фактар, які можа прынесці кароткатэрміновыя выгады, але ў той жа час і стварыць новыя пагрозы.

Каментары17

  • хм
    01.12.2024
    Армия Ассада разложилась… вряд ли Россия поможет
  • Litvin
    01.12.2024
    Дай Аллах вам мужнасць пан Асад задавіць гэтых пацукоў якіх падьрымлівае Эрдаганскі рэжым.
  • Gar
    01.12.2024
    Далоў тырана!
    Слава паўстанцам!
    Век жыве свабодная Сірыя!

Цяпер чытаюць

Лукашэнка кажа, што прапаноўваў Захаду «перадаць некалькі тысяч» палітвязняў22

Лукашэнка кажа, што прапаноўваў Захаду «перадаць некалькі тысяч» палітвязняў

Усе навіны →
Усе навіны

Індыйскія дактары падчас падрыхтоўкі пацыенткі да аперацыі выявілі новую групу крыві

У Японіі пасля землятрусу на бераг выкінула некалькіх кітоў ВІДЭА1

На Камсамольскім возеры ў Мінску канцэнтрацыя нафтапрадуктаў большая за дапушчальную ў 4,2 раза3

Ці можна праваслаўнаму дасылаць дыкпікі? «Калі яна сама просіць»11

На скляпеннях храма ў Мураванцы з’явіліся расколіны4

Трамп наклаў 25% пошліны на Індыю4

Чамаданава расказала, што катэгарычна нельга абмяркоўваць на кухнях29

«Больш глядзіце беларускае тэлебачанне». Чыноўнік з Мінюста адказаў на заклапочанасць умовамі ўтрымання палітвязняў8

У Мінску за вырошчванне канопляў затрымалі ўладальніка начнога клуба4

больш чытаных навін
больш лайканых навін

Лукашэнка кажа, што прапаноўваў Захаду «перадаць некалькі тысяч» палітвязняў22

Лукашэнка кажа, што прапаноўваў Захаду «перадаць некалькі тысяч» палітвязняў

Галоўнае
Усе навіны →

Заўвага:

 

 

 

 

Закрыць Паведаміць