Прэзідэнцкія выбары ў Малдове і Румыніі маюць эпахальнае значэнне, лічыць палітычны аналітык Аляксандр Фрыдман.
У Малдове перамогу атрымала Мая Санду, а прарасійскія сілы, якія марылі зрабіць з Малдовы «другую Беларусь», пацярпелі паразу. Пры гэтым Кішынёў выкарыстаў вельмі спрэчныя метады: тут і блакаванне расійскіх прапагандысцкіх рэсурсаў, і абмежаванне магчымасці галасавання для грамадзян Малдовы, якія жывуць у Расеі.
У Румыніі Канстытуцыйны суд сёння ануляваў вынікі першага тура выбараў, у якім перамог правы экстрэміст Кэлін Джарджэску, які адкрыта сімпатызуе Пуціну і займае антыеўрапейскія пазіцыі. Падставай для гэтага рашэння сталі матэрыялы спецслужбаў, якія сведчаць пра ўмяшанне Расіі ў румынскія выбары.
Расія, зразумела, вельмі хацела б прывесці Джарджэску да ўлады, а ягоная перамога (вельмі верагодная, мяркуючы па выніках сацапытанняў) стала б катастрофай і для Румыніі, і для ЕС.
Дэмакратыя абавязаная ўмець абараняцца, інакш яна ўпадзе пад націскам антыдэмакратаў. Гэта ўрок з гісторыі Еўропы XX стагоддзя.
І ў Кішынёве, і ў Бухарэсце не далі перамагчы ворагам дэмакратыі, выкарыстаўшы метады, якія карэнным чынам супярэчаць прынцыпам ліберальнай дэмакратыі.
Эпоха ліберальнай дэмакратыі завяршаецца, барацьба з ворагамі дэмакратыі працягваецца.
Перад другім турам у Румыніі цалкам адмянілі выбары. Прэзідэнцкая кампанія пачнецца наноў
У Румыніі партыя прэм'ер-міністра перамагае на парламенцкіх выбарах
Стала вядома, як прагаласавалі малдаване, якіх звозілі з Расіі ў Мінск на выбарчы ўчастак
Малдаўскіх выбаршчыкаў з Расіі вязуць галасаваць у Мінск аўтобусамі і самалётам
У Малдове завяршылі падлік галасоў: у Санду 55,33%
Каментары
На Ўсзодзе не даюць перамагчы празаходнім, на Захадзе - праўсходнім. Па Фрыдману - мэтадамі, якія пярэчаць ліберальнай дэмакратыі.
Чым тады Захад будзе адрознівацца ад Расеі?