Prezidenckija vybary ŭ Małdovie i Rumynii majuć epachalnaje značeńnie, ličyć palityčny analityk Alaksandr Frydman.
U Małdovie pieramohu atrymała Maja Sandu, a prarasijskija siły, jakija maryli zrabić z Małdovy «druhuju Biełaruś», paciarpieli parazu. Pry hetym Kišynioŭ vykarystaŭ vielmi sprečnyja mietady: tut i błakavańnie rasijskich prapahandysckich resursaŭ, i abmiežavańnie mahčymaści hałasavańnia dla hramadzian Małdovy, jakija žyvuć u Rasiei.
U Rumynii Kanstytucyjny sud siońnia anulavaŭ vyniki pieršaha tura vybaraŭ, u jakim pieramoh pravy ekstremist Kelin Džardžesku, jaki adkryta simpatyzuje Pucinu i zajmaje antyjeŭrapiejskija pazicyi. Padstavaj dla hetaha rašeńnia stali materyjały śpiecsłužbaŭ, jakija śviedčać pra ŭmiašańnie Rasii ŭ rumynskija vybary.
Rasija, zrazumieła, vielmi chacieła b pryvieści Džardžesku da ŭłady, a jahonaja pieramoha (vielmi vierahodnaja, miarkujučy pa vynikach sacapytańniaŭ) stała b katastrofaj i dla Rumynii, i dla ES.
Demakratyja abaviazanaja ŭmieć abaraniacca, inakš jana ŭpadzie pad naciskam antydemakrataŭ. Heta ŭrok z historyi Jeŭropy XX stahodździa.
I ŭ Kišyniovie, i ŭ Buchareście nie dali pieramahčy voraham demakratyi, vykarystaŭšy mietady, jakija karennym čynam supiarečać pryncypam libieralnaj demakratyi.
Epocha libieralnaj demakratyi zaviaršajecca, baraćba z vorahami demakratyi praciahvajecca.
Pierad druhim turam u Rumynii całkam admianili vybary. Prezidenckaja kampanija pačniecca nanoŭ
U Rumynii partyja premjer-ministra pieramahaje na parłamienckich vybarach
Stała viadoma, jak prahałasavali małdavanie, jakich zvozili z Rasii ŭ Minsk na vybarčy ŭčastak
Małdaŭskich vybarščykaŭ z Rasii viazuć hałasavać u Minsk aŭtobusami i samalotam
U Małdovie zaviaršyli padlik hałasoŭ: u Sandu 55,33%
Kamientary
Na Ŭszodzie nie dajuć pieramahčy prazachodnim, na Zachadzie - praŭschodnim. Pa Frydmanu - metadami, jakija piarečać libieralnaj demakratyi.
Čym tady Zachad budzie adroźnivacca ad Rasiei?