Беларуска прывезла з Польшчы 5 тысяч даляраў. Амаль усе аказаліся фальшывымі
Мянчук спрабаваў памяняць у банку чатыры купюры па 100 даляраў. Касірка палічыла іх падазронымі і выклікала міліцыю.
«Мужчына распавёў, што грошы ў суме 5 тысяч даляраў у якасці падарунка атрымала ягоная жонка ад бабулі, калі гасціла ў яе ў Польшчы. Пра тое, што купюры могуць быць падробленымі, яны не здагадваліся», — паведамляе прэс-служба Дзяржкамітэта судэкспертыз.
Каб праверыць астатнія 46 купюр, мужчына перадаў іх у Дзяржкамітэт судэкспертыз. Эксперт параўнаў іх з купюрамі таго ж наміналу і года выпуску і знайшоў адрозненні ў колераперадачы малюнкаў і друку тэксту, сярод падораных былі купюры без элементаў абароны, у тым ліку вадзянога знака.
У Дзяржкамітэце судэкспертыз прыйшлі да высновы, што 39 з 50 банкнот несапраўдныя.
Заведзена крымінальная справа.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца11
Каментары