Шведская пракуратура закрыла справу ў дачыненні да Мбапэ аб згвалтаванні
Шведская пракуратура спыніла расследаванне ў дачыненні да форварда «Рэала» і зборнай Францыі па справе аб згвалтаванні.
Справа закрытая з-за недахопу доказаў.
«Расследаванне па падазрэнні ў згвалтаванні і двух выпадках сэксуальнага гвалту ў гатэлі ў цэнтры Стакгольма 10 кастрычніка 2024 года закрытае», — гаворыцца ў прэс-рэлізе шведскай пракуратуры.
14 кастрычніка шведская паліцыя пачала расследаванне па факце скаргі аб згвалтаванні, як мяркуецца, у стакгольмскім гатэлі, дзе на той момант знаходзіўся футбаліст. Пацярпелая жанчына абвінавачвала ў здарэнні менавіта Мбапэ.
Шведскія выданні тады казалі, што Кіліяну прысвоены статус «абгрунтавана падазраваны» — самы нізкі ўзровень падазрэнняў.
Сам спартсмен назваў тыя навіны фэйкавымі і звязаў з'яўленне паведамлення з пачаткам судовых слуханняў у спрэчцы са сваім былым клубам — французскім «Пары-Сэн-Жэрмэн».
Цяпер чытаюць
Адзенне дзяўчыны, знойдзенае ў Сляпянцы, падобнае да вопраткі Яны Кастранковай — дачкі дырэктара буйнога агракомплексу2
Каментары