Агенцтва Reuters даведалася некаторыя падрабязнасці таго, у якіх умовах на мінулым тыдні зрынуты сірыйскі дыктатар Башар Асад уцякаў з краіны, якой дагэтуль кіраваў 24 гады.
Журналісты Reuters пагаварылі з 14 крыніцамі, уключаючы памочнікаў з найбліжэйшага атачэння Асада, рэгіянальных дыпламатаў і суразмоўцаў у сферы бяспекі, а таксама высокапастаўленых іранскіх чыноўнікаў.
Паводле інфармацыі, атрыманай агенцтвам ад сваіх крыніц, за пару гадзін да сваіх уцёкаў у Маскву Асад запэўніў войска і чыноўнікаў, што расійская вайсковая падтрымка ўжо на падыходзе, і заклікаў сухапутныя войскі трымацца.
Скончыўшы працу, Асад сказаў свайму кіраўніку канцылярыі, што збіраецца дадому, але сам адправіўся ў аэрапорт. Таксама ён нібыта тэлефанаваў сваёй дарадцы і прасіў яе прыехаць да яго дадому, каб запісаць гутарку. Але прыехаўшы, памочніца выявіла, што дома ў палітыка ўжо нікога не было.
Сваім стрыечным братам Асад таксама нібыта нічога не паведаміў пра свае ўцёкі. Яны таксама спрабавалі ўцякаць на машыне ў Ліван, але па дарозе трапілі ў засаду паўстанцаў. Адзін, як паведамляецца, быў пры гэтым застрэлены.
Апошні прэм'ер-міністр урада Асада Махамед Джалалі расказаў тэлеканалу Al Arabiya, што размаўляў з прэзідэнтам па тэлефоне ў суботу ў 22:30 і апісваў складаную сітуацыю, а таксама паніку і хаос на вуліцах гарадоў. «Ён адказаў: «Заўтра паглядзім. Заўтра, заўтра» — гэта было апошняе, што ён мне сказаў», — кажа Джалалі.
У нядзелю Асад вылецеў з Дамаска на самалёце з выключаным транспондарам, расказваюць два суразмоўцы Reuters. Першапачаткова Асад, па словах трох суразмоўцаў агенцтва, хацеў схавацца ў ААЭ, але ўлады краіны асцерагаліся міжнароднай рэакцыі і адмовілі яму. Аднак Масква, нягледзячы на адмову ў вайсковым умяшанні, «кінуць Асада не была гатовая», піша Reuters.
Лукашэнка: Ніякі Асад не дыктатар. Ён лячыў людзей, ніколі нікога не забіваў
Крэмль назваў адстаўку Асада асабістым рашэннем таго
Крах рэжыму за 11 дзён. Чаму армія Асада так хутка развалілася?
Прызначаны Асадам пасол Сірыі ў Расіі назваў ягоныя ўцёкі «ганебнымі і зневажальнымі»
«Пераварот зялёнай паласы». Чаму новая ўлада змяніла дзяржаўны сцяг Сірыі
Турцыя дазналася пра планы сірыйскай апазіцыі зрынуць Асада за паўгода да наступу
Мінчук забіў маці і цесця, а пасля 15 гадоў атрымліваў за іх пенсію1
Каментары