Bašar Asad pierad uciokami nikomu nie paviedamlaŭ pra svaje namiery
Ahienctva Reuters daviedałasia niekatoryja padrabiaznaści taho, u jakich umovach na minułym tydni zrynuty siryjski dyktatar Bašar Asad uciakaŭ z krainy, jakoj dahetul kiravaŭ 24 hady.
Žurnalisty Reuters pahavaryli z 14 krynicami, uklučajučy pamočnikaŭ z najbližejšaha atačeńnia Asada, rehijanalnych dypłamataŭ i surazmoŭcaŭ u śfiery biaśpieki, a taksama vysokapastaŭlenych iranskich čynoŭnikaŭ.
Pavodle infarmacyi, atrymanaj ahienctvam ad svaich krynic, za paru hadzin da svaich uciokaŭ u Maskvu Asad zapeŭniŭ vojska i čynoŭnikaŭ, što rasijskaja vajskovaja padtrymka ŭžo na padychodzie, i zaklikaŭ suchaputnyja vojski trymacca.
Skončyŭšy pracu, Asad skazaŭ svajmu kiraŭniku kancylaryi, što źbirajecca dadomu, ale sam adpraviŭsia ŭ aeraport. Taksama jon nibyta telefanavaŭ svajoj daradcy i prasiŭ jaje pryjechać da jaho dadomu, kab zapisać hutarku. Ale pryjechaŭšy, pamočnica vyjaviła, što doma ŭ palityka ŭžo nikoha nie było.
Svaim stryječnym bratam Asad taksama nibyta ničoha nie paviedamiŭ pra svaje ŭcioki. Jany taksama sprabavali ŭciakać na mašynie ŭ Livan, ale pa darozie trapili ŭ zasadu paŭstancaŭ. Adzin, jak paviedamlajecca, byŭ pry hetym zastreleny.
Apošni premjer-ministr urada Asada Machamied Džałali raskazaŭ telekanału Al Arabiya, što razmaŭlaŭ z prezidentam pa telefonie ŭ subotu ŭ 22:30 i apisvaŭ składanuju situacyju, a taksama paniku i chaos na vulicach haradoŭ. «Jon adkazaŭ: «Zaŭtra pahladzim. Zaŭtra, zaŭtra» — heta było apošniaje, što jon mnie skazaŭ», — kaža Džałali.
U niadzielu Asad vylecieŭ z Damaska na samalocie z vyklučanym transpondaram, raskazvajuć dva surazmoŭcy Reuters. Pieršapačatkova Asad, pa słovach troch surazmoŭcaŭ ahienctva, chacieŭ schavacca ŭ AAE, ale ŭłady krainy aścierahalisia mižnarodnaj reakcyi i admovili jamu. Adnak Maskva, niahledziačy na admovu ŭ vajskovym umiašańni, «kinuć Asada nie była hatovaja», piša Reuters.
Łukašenka: Nijaki Asad nie dyktatar. Jon lačyŭ ludziej, nikoli nikoha nie zabivaŭ
Kreml nazvaŭ adstaŭku Asada asabistym rašeńniem taho
Krach režymu za 11 dzion. Čamu armija Asada tak chutka razvaliłasia?
Pryznačany Asadam pasoł Siryi ŭ Rasii nazvaŭ jahonyja ŭcioki «haniebnymi i źnievažalnymi»
«Pieravarot zialonaj pałasy». Čamu novaja ŭłada źmianiła dziaržaŭny ściah Siryi
Turcyja daznałasia pra płany siryjskaj apazicyi zrynuć Asada za paŭhoda da nastupu
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary