Грамадства44

Студэнтаў, якія вяртаюцца на канікулы з-за мяжы, апытваюць на граніцы сілавікі

У адным з закрытых чатаў з’явілася інфармацыя, што беларускіх студэнтаў, якія навучаюцца ў замежных ВНУ, сілавікі спыняюць на мяжы і задаюць пытанні пра вучобу, піша Citydog.by.

Ілюстрацыйнае фота

Як паведаміла адна з крыніц, некаторых студэнтаў, якія вяртаюцца на зімовыя вакацыі ў Беларусь, сілавікі спыняюць на мяжы: у прыватнасці, цікавяцца, чаму яны паступілі ў замежныя ВНУ, правяраюць смартфоны. Інфармацыя пра допыты на мяжы з’явілася ў закрытым студэнцкім тэлеграм-чаце.

Журналісты паразмаўлялі з юрысткай Святланай Галаўнёвай пра тое, што рабіць, калі вы або вашыя знаёмыя трапіце ў такую сітуацыю.

— Пакуль складана казаць пра іх матывы і пра тое, да чаго гэта можа прывесці. Ёсць імавернасць, што пазней могуць увесці штрафы за тое, што людзі не паведамілі пра наяўнасць дазволу на жыхарства ў іншых краінах.

Каб максімальна засцерагчы сябе ад праблем, падчас такіх размоў я б рэкамендавала даваць мінімум інфармацыі.

Размова на мяжы адрозніваецца ад выкліку ў РУУС?

— Гэта яшчэ больш стрэсавы стан: чалавека затрымалі, адвялі ў асобнае памяшканне, а яго чакае поўны аўтобус. У такой сітуацыі я б рэкамендавала ўвогуле адмовіцца ад дачы паказанняў.

Можна сказаць, што вы зараз хвалюецеся, вас чакае аўтобус, і таму вы не гатовыя размаўляць. Вы можаце даць свой беларускі адрас і папрасіць выклікаць вас у іншы дзень.

@belarusnovosti Допросы студентов, которые учатся за границей #граница #беларусьновости #новостибеларуси #минсксейчас #белорусывпольше #белорусы ♬ оригинальный звук - Беларусь Новости

Як адказваць на пытанні сілавікоў?

— У тым, што чалавек вучыцца, напрыклад, у Польшчы, пакуль няма нічога крымінальнага. Акрамя таго, тыя, хто выклікаюць на размову, ужо ведаюць, што студэнт вучыцца за мяжой. У гэтым выпадку можна сказаць, што вы выбралі польскую ВНУ, бо вам падабаецца спецыяльнасць.

Не варта нічога казаць пра палітычныя матывы або стыпендыі, якія выдзяляюцца на падтрымку рэпрэсаваных студэнтаў. Таксама не варта згадваць пра тое, што вы планавалі паступаць у Польшчу і для гэтага вучылі мову.

Прытрымлівайцеся праўды, але не давайце занадта шмат інфармацыі. Таксама не падпісвайце ніякіх папер, калі размова праходзіць не як афіцыйны допыт.

Што рабіць, калі мяне выклікалі на допыт ужо ў Беларусі?

— Калі допыт тычыцца непаўналетняга студэнта, я б рэкамендавала хадзіць на такія размовы толькі з бацькамі. Бацькам у сваю чаргу я б раіла даведацца, чаму сілавыя органы цікавяцца вучобай дзіцяці, і папрасіць выклікаць на допыт позвай.

Што тычыцца паўналетніх студэнтаў, варта памятаць, што ёсць розніца паміж выклікам на размову і допытам. Калі гэта размова, то чалавек ідзе па сваёй волі. Таму ён мае права спыніць размову ў любы момант.

Калі гэта выклік на допыт па позве, дзейнічаюць іншыя правілы — вы абавязаны з’явіцца. Але пры гэтым вы не абавязаны сведчыць супраць сябе і ўвогуле можаце адмовіцца адказваць на шэраг пытанняў.

Каментары4

  • даведка
    25.12.2024
    Все эти оперативные беседы записывают на видеорегистраторы и скрытые камеры.
  • орки хотят
    26.12.2024
    уничтожить Беларусь руками местных рабов - мусоров, гэбнюков-говнюков, и прочего рабского гноя. лизать сапог цыгану и чемодану с говном за мизерную подачку.
  • Woodoo Cult
    26.12.2024
    [Рэд. выдалена]

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць