У Віцебску будуць судзіць жонку беларуса, які адмовіўся адказваць на пытанні сілавікоў пры затрыманні
Заўтра ў судзе Чыгуначнага раёна Віцебска пройдзе суд над Веранікай Кабылковай, педагогам-псіхолагам з Шуміліна. Яе абвінавачваюць па дэкрэце №7 (атрыманне замежнай бязвыплатнай дапамогі), піша «Хрысціянская візія».
Яе муж Арцём трапіў пад пераслед год таму — сілавікі тады затрымалі яго за падпіскі, але не змаглі запісаць «пакаяльны» ролік.
Год таму затрымалі мужа Веранікі Арцёма. На міліцэйскім відэа ён адмовіўся адказваць на пытанні сілавікоў. «Свае дзеянні ў сетцы інтэрнэт адмаўляюся каментаваць», — сказаў тады мужчына.
Вядома, што тады Арцёма аштрафавалі на 555 рублёў.
Вянчанне Арцёма і Веранікі ладзіў кс. Анджэй Юхневіч, які зараз знаходзіцца за кратамі і суд над якім таксама пачнецца заўтра.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС8
Каментары
А казалі ж што няма розніцы, якой веры мужык беларус: адну і тую ж бульбачку вырошчваюць, адных і тых жа парсючкоў гадуюць. Рох рох! Але гэта толькі на ўзроўні бульбачкі і парсючкоў так. А цавілязацыя на Белай Русі руская, праваслаўна чэкісцкая, і ад яе католікам ні ў якой шчырай бульбачцы не схаваешся. Або тады ўжо ідзі адразу ў церцелі ды эйсманты, ці ў бондаравы, і даказвай сваю беззаветную вернасць скрэпнаму свету