Швецыя выпрабуе новую тэхналогію «рою дронаў», распрацаваную ўзброенымі сіламі краіны і кампаніяй Saab, заявіў міністр абароны Поль Ёнсан у панядзелак, піша Голас Амерыкі.
Ёнсан паведаміў на прэс-канферэнцыі, што армія правядзе выпрабаванні тэхналогіі, якая была распрацавана ў паскораным парадку цягам мінулага года, падчас вучэнняў Arctic Strike, запланаваных на вясну 2025 года.
«Нам давядзецца пайсці на некаторыя рызыкі, каб стварыць больш магутны абаронны патэнцыял хутчэй, чым мы гэта робім звычайна», — адзначыў ён.
Ёнсан растлумачыў, што тэхналогія дазваляе ствараць раі дронаў розных памераў, якія могуць аўтаномна выконваць пастаўленыя задачы. «З дапамогай гэтых раёў дронаў можна праводзіць разведку, пазіцыянаванне і ідэнтыфікацыю. Тэхналогія таксама можа дапамагчы маніторыць дарогі, перадаваць выявы і вяртаць дроны для падзарадкі».
Швецыя далучылася да заходняга абароннага альянсу НАТА ў сакавіку 2024 года на фоне поўнамаштабнага ўварвання Расіі ва Украіну і плануе павялічыць выдаткі на абарону да 2,6% ВУП да 2028 года ў параўнанні з 2,2% у 2024 годзе.
Шведскія медыя адзначаюць, што камандуючы арміяй і міністр абароны Швецыі асабіста ўдзельнічалі ў сакрэтным праекце. З новым праграмным забеспячэннем можна кіраваць роем, які складаецца з сотняў беспілотнікаў.
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары