Археолагі знайшлі і раскапалі раскошныя прыватныя лазні ў Пампеях, якія былі пахаваны пад пластом вулканічнага попелу пасля трагічнага вывяржэння Везувія амаль 2000 гадоў таму. Вось якія паслугі прапаноўваў і як выглядае «старажытны спа-комплекс», які прызначаўся выключна для рымскіх эліт.
Паводле археолагаў, знаходка ўяўляе сабой раскошны прыватны спа-комплекс, адзін з самых вялікіх і добра прадуманых будынкаў падобнага тыпу, вядомых на сёння. Антычны комплекс з банкетнай залай, тэрмальнымі лазнямі і ўражальнымі мазаікамі, быў знойдзены ў цэнтры вялікага асабняка, што належаў, верагодна, прадстаўніку мясцовай эліты, піша выданне The Sun.
Комплекс пабудаваны больш за 2000 гадоў таму і мог змяшчаць да 30 гасцей. У лазнях былі прадугледжаны тры пакоі: калідарыум (гарачы), тэпідарыум (цёплы) і фрыгідарыум (халодны басейн). Пасля купання госці маглі свабодна накіроўвацца ў банкетную залу, упрыгожаную сцэнамі з грэчаскай міфалогіі, дзе іх чакала вячэра пры свечках.
Такая планіроўка асабняка з убудаванымі прыватнымі лазнямі і ўпрыгожваннямі служыла інструментам дэманстрацыі статусу і багацця прадстаўнікоў рымскіх эліт. Некаторыя з іх таксама імкнуліся ператварыць свае дамы ў грэчаскія палацы, спартзалы і гімназіі, перадае The Sun са спасылкай на археолагаў.
Аднак раскопкі выявілі і іншае. На тэрыторыі спа-комплекса знайшлі целы двух рабоў і адной шляхетнай жанчыны, якая сціскала ў руках каштоўнасці і залатыя манеты. Адна з рабынь была знойдзена ў кацельнай, якая ацяпляла лазні, дзе, паводле археолагаў, працавала ў вельмі цяжкіх умовах, а падчас вывяржэння Везувія памерла не ад удушша вулканічным попелам, а ад уздзеяння звышгарачых газаў.
У такіх ахвяраў у Пампеях літаральна закіпала кроў, а галовы выбухалі ад перагрэву.
Цяпер чытаюць
«Адпусціце, калі ласка, сына!» Амерыканца з амнезіяй, які нелегальна прыехаў у Беларусь, не аддаюць маці5
Каментары