«Колькі павінен зарабляць хлопец у Мінску, каб сустракацца з вамі?» Скандал вакол вулічнага апытання
Каманда праекта «Сліўкі.бай» у цэнтры сталіцы звярнулася да жанчын з пытаннем пра іх фінансавыя патрабаванні да партнёра. Вынікі выклікалі актыўную дыскусію. У каментарыі прыйшла нават вядомая мадэль Жэня Катава.
Пытанне гучала так: «Колькі павінен зарабляць хлопец у Мінску, каб сустракацца з вамі?». Першымі адказвалі дзве сяброўкі. Адна прызналася, што штотыдзень выдаткоўвае на сябе $2000. Другая сказала: «Ад 5 тысяч, можа, 10 тысяч даляраў». Сяброўка засмяялася: «Яна абястлушчвае мужчын!»
Далей адказы былі самыя розныя. Чатыры дзяўчыны адзначылі, што даход патэнцыяльнага маладога чалавека павінен стартаваць ад $5 тысяч. Чатыры апытаныя прызналіся, што для іх мінімальны заробак хлопца складае ад $1500-3000.
«Хаця б на 5 тысяч рублёў» пагадзілася б адна дзяўчына. Яшчэ некалькі агучылі сумы ад 2 да 3 тысяч рублёў.
— Не заўсёды патрэбны грошы для таго, каб кахаць і паказваць каханне, — адказала адна з дзяўчат.
А апошняя ўдзельніца апытання засмяялася і сказала: «Хоць колькі! Галоўнае, каб мужчына быў эмацыянальна здаровым».
Для параўнання: паводле звестак Белстата, сярэдні заробак «чыстымі» ў жыхароў Мінска ў мінулым лістападзе склаў $782.
За пяць дзён відэа набрала ў інстаграме 1,7 мільёна праглядаў і 15 тысяч лайкаў. А ў каментарыях пачаліся спрэчкі.
Сваё меркаванне выказала і Жэня Катава — мадэль з Барысава, якая стала папулярнай на Захадзе і цяпер дэманструе на подыумах вопратку ад люксавых брэндаў. Яна таксама жонка Віталя Яцука — сына мультымільянера Аляксандра Яцука, заснавальніка збанкрутавалай гандлёвай сеткі «Віталюр».
«Апошняя дзяўчына — топ», — напісала Жэня Катава.
Большасць каментатараў шчыра абурылася сумамі, якія гучалі ў апытанні. Адна дзяўчына сумна спытала, дзе ж у Беларусі маладыя людзі могуць зарабляць $2-3 тысячы: «Я адразу ж туды ўладкуюся. Не разумею, адкуль такія ўяўленні аб жыцці і лічбы ў галаве?»
У абарону ўдзельніц апытання выступіла мінская блогерка Ніка Памідорка, якая мае 406 тысяч падпісчыкаў у інстаграме: «Месяц для нармальнага жыцця ў Мінску з дзіцём — адна тысяча даляраў. З двума ўжо іншыя лічбы. Пра трох дзяцей нават маўчу. Прыкладна $5 тысяч і сыходзіць. Гэта калі сярэдняе жыццё з кватэрай, машынай, дзіцячымі гурткамі, кафэ, невялікімі пакупкамі і не толькі ежы, плюс нейкія забаўкі па выходных. Не, ну можна і на «папіццот» жыць. Але не ў Мінску. І без дзяцей. І без ежы».
Такое меркаванне падтрымала яшчэ адна сталічная блогерка Воля Бенцыеўская (яна называе сябе самай папулярнай масажысткай краіны і мае 35 тысяч падпісчыкаў у інстаграме).
Яна напісала: «Не вельмі зразумелае абурэнне. Дзяўчаты, сустракаючыся з хлопцам, верагодна разглядаюць яго як партнёра для жыцця, які праз год ажэніцца, праз два яна ў дэкрэце. А значыць, сям'ю некалькі гадоў будзе карміць мужчына. У Мінску жыццё невялікай сям'і — гэта дзве тысячы даляраў без шыку, у недарагой кватэры з невялікім крэдытам на машыну, нармальнай ежай, кафэ раз на тыдзень і адпачынкам раз на год. Дзе тут месца для істэрык?»
Цяпер чытаюць
Як жыве просты мінскі зваршчык, які выйграў тры мільёны рублёў1
Каментары