83-гадовую жыхарку Оршы напалохалі тым, што яна фінансуе вайну ва Украіне. І забралі 200 тысяч рублёў
Жанчына пагадзілася «задэклараваць» усе наяўныя грошы, якія былі ў яе дома.
83-гадовай жыхарцы Оршы ў тэлеграме пазваніў махляр, прадставіўся супрацоўнікам Дэпартамента фінансавых расследаваняў і заявіў, што яна фінансуе «спецыяльную ваенную аперацыю». А ў сувязі з гэтым сабраўся правесці ператрус у яе дома.
З міліцэйскага паведамлення незразумела, у фінансаванні Расіі ці Украіны абвінавацілі ў жанчыну.
Выглядае, што 83-гадовая аршанка не надта здзівілася званку ад «сілавікоў». Яна пагадзілася на прапанову задэклараваць усе наяўныя грошы, якія ў яе ёсць.
Жанчына прыйшла ў банк і паклала на рахунак каля 200 тысяч рублёў. Пасля чаго яна дала доступ да рахунку махлярам — і, зразумела, засталася ні з чым.
Толькі пасля гэтага жанчына звярнулася ў міліцыю. Следчыя завялі крымінальную справу за махлярства ў асабліва буйным памеры.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1515
Каментары