Нью-Ёркскі заапарк прадае з аўкцыёну карціны, намаляваныя жывёламі
Заапарк у Нью-Ёрку прадставіў папярэдні агляд некаторых твораў мастацтва, якія будуць даступныя на запланаваным неўзабаве гала-аўкцыёне: карціны, створаныя жывёламі, уключаючы пінгвінаў, жырафаў, ляніўцаў, капібар і іншых, піша выданне Upi.
Парк прыгод з жывёламі і запаведнік (Animal Adventure Park and Preserve) у Харпурсвіле абвясціў, што мерапрыемства «Вялікія мары: вечар у горадзе» (Dream Big Gala: Night Out on the Town), запланаванае на 15 сакавіка, будзе ўключаць у сябе аўкцыён твораў мастацтва, створаных некалькімі відамі жывёл, якія жывуць у заапарку.
Даглядчыкі запарка выкарыстоўваюць розныя метады, каб заахвочваць жывёл да малявання як займальнага занятку.
«З нашымі пінгвінамі самы просты спосаб прымусіць іх маляваць — гэта ежа», — расказала WBNG-TV даглядчыца Мікайла Кануэй.
«Яны вельмі матываваныя ежай, але калі ў нейкі дзень ім не хочацца рэагаваць на ежу, то тады ганяюцца за лазернай указкай».
Зоопарк апублікаваў у сацыяльных сетках некалькі папярэдніх фота, на якіх пінгвіны, капібары, ляніўцы і жырафы малююць.
«Нашыя мастакі старанна працуюць, дадаючы апошнія штрыхі да сваіх шэдэўраў для аўкцыёну Animal Art Auction», — гаворыцца ў паведамленні.
Тыя, хто не зможа прысутнічаць на мерапрыемстве, змогуць рабіць стаўкі ў анлайн-фармаце, паведаміў заапарк.
Цяпер чытаюць
Беларускага Сінюю Бараду адпусцілі з расійскай турмы паміраць дома2
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары