Ціханоўская сустрэлася з Келагам у кулуарах канферэнцыі ў Мюнхене
Акрамя таго, Святлана Ціханоўская правяла сустрэчы з кіраўнікамі камітэтаў па замежных справах Палаты прадстаўнікоў і Сената ЗША — Браянам Мастам (Палата прадстаўнікоў) і Джымам Рышам (Сенат), якія прадстаўляюць Рэспубліканскую партыю.
Сустрэчы адбыліся падчас Мюнхенскай канферэнцыі. Асноўнымі тэмамі абмеркавання сталі мірныя перамовы па Украіне і роля Беларусі ў гэтым працэсе. Ціханоўская падкрэсліла, што пытанне Беларусі павінна быць часткай перамоваў, уключаючы расійскую вайсковую прысутнасць у краіне і паступовы транзіт улады, перадае прэс-служба палітыка.
Таксама падчас сустрэч абмяркоўвалася падтрымка незалежных СМІ і грамадзянскай супольнасці.
Ціханоўская прапанавала зрабіць выключэнне для беларускіх праграм і аднавіць фінансавую дапамогу.
Акрамя таго, былі ўзнятыя пытанні палітвязняў і магчымыя далейшыя крокі для іх вызвалення, а таксама перспектывы прызначэння спецыяльнага пасланніка па Беларусі.
Ціханоўская падзякавала за пастаянную падтрымку і дамовілася аб правядзенні слуханняў у Кангрэсе, прысвечаных сітуацыі ў Беларусі і стратэгіі ЗША адносна краіны.
Таксама Ціханоўская сустрэлася з сенатаркай Джын Шахін (Дэмакратычная партыя), кангрэсменам Джо Вілсанам (Рэспубліканская партыя) і кангрэсменам Браянам Фіцпатрыкам (Рэспубліканская партыя), сенатарам Роджэрам Вікерам, старшынём камітэту па ўзброеных сілах (Рэспубліканская партыя).
Таксама Ціханоўская ў кулуарах сустрэлася з прадстаўніком адміністрацыі Трампа генералам Келагам, які ў адміністрацыі прэзідэнта Трампа быў прызначаны спецпасланнікам ЗША па пытаннях Украіны і Расіі.
Ціханоўская адзначыла паспяховае вызваленне трох закладнікаў з турмы, у тым ліку двух палітычных зняволеных, і падзякавала адміністрацыі Трампа за падтрымку і каардынацыю ў гэтым пытанні.
Падчас сустрэчы абмяркоўвалася магчымасць прызначэння спецпасланніка па Беларусі, а таксама важнасць уключэння беларускага пытання ў перамовы па Украіне. «Я патлумачыла генералу, што для ўстойлівага міру неабходная прадказальная Беларусь без расійскай вайсковай прысутнасці. Мы дамовіліся працягваць камунікацыю,» — адзначыла Ціханоўская.
-
Камандуючы ВПС: Колькасць замежных войскаў ля межаў Беларусі зменшылася, з краінамі НАТА ідзе ўзаемадзеянне
-
Беларуса ў жаданні абмежаваць паўсюдную рэкламу казіно падтрымала Мінгандлю. Але прапагандысты параілі яму «не лезці не туды»
-
У гарах Кыргызстана з дрона адшукалі целы зніклых беларускіх альпіністаў
У гарах Кыргызстана з дрона адшукалі целы зніклых беларускіх альпіністаў8
Каментары